स्थानीय

हेटौंडा, मंसिर २९ गते । मनहरी । नेपाल कम्युनिस्ट पार्टी माओवादीका पार्टी समर्थक सानो कान्छा थोकरको असमयिक निधनप्रति नेपाल कम्युनिस्ट पार्टी माओवादी मनहरी गाउँपालिका समिति मकवानपुरले गहिरो दुःख व्यक्त गरेको छ। मनहरी गाउँपालिका–३ डोठे निवासी बुवा भीमबहादुर थोकर र आमा मनमाया थोकरका सुपुत्र सानो कान्छा थोकरको जन्म २०५५ साल जेठ १६ गते भएको थियो भने २०८२ साल मङ्सिर १२ गते अल्पायमै उनको निधन भएको हो। उनको निधनको खबरले सम्पूर्ण पार्टी पंक्ति मर्माहित भएको माओवादी पार्टीले जनाएको छ। यस दुःखद घडीमा नेपाल कम्युनिस्ट पार्टी माओवादी मनहरी गाउँपालिका समितिले मृतक थोकरप्रति हार्दिक श्रद्धाञ्जली अर्पण गर्दै शोक सन्तप्त परिवारजनप्रति गहिरो समवेदना प्रकट गरेको…

हेटौंडा, मंसिर २९ गते । सेवा, सहयोग र आवासमा हामीका अध्यक्ष विशालराज महतले हेटौंडा उपमहानगरपालिकाको फोहोर व्यवस्थापन स्थलमा बर्सेनि दोहोरिँदै आएको आगलागी र अव्यवस्थित फोहोर व्यवस्थापनको विरोधमा आज उपमहानगरपालिकाको प्राङ्गणमा सांकेतिक तवरबाट मौन विरोध प्रदर्शन गरेका छन्। अध्यक्ष महतले सामाजिक सञ्जालमार्फत दिइएको समयअनुसार १२:३० बजेबाट सुरु हुने भनिएको सांकेतिक विरोध सभा केही ढिलो भए पनि दिउँसो १ बजेदेखि सुरु भएको थियो। विरोध सभा नगरपालिकाको प्राङ्गणमा केही घण्टासम्म मौन रुपमा निरन्तर जारी रह्यो। यसबारे नगर प्रहरीमार्फत नगरप्रमुखलाई जानकारी गराइए पनि नगरप्रमुख लामो समयसम्म पनि विरोधस्थलमा उपस्थित नभएपछि आन्दोलनकारीहरू असन्तुष्ट बने। नगरप्रमुखको कुनै प्रतिक्रिया नआएपछि आन्दोलनकारीहरूले मौन आन्दोलनलाई आवाजसहितको विरोधमा परिणत गर्दै…

मनहरी, मंसिर २९ गते । मकवानपुरको मनहरी गाउँपालिका–६ स्थित सिस्नेपखेरा जंगलमा सिकार खेल्न गएका दुई साथीमध्ये एक जनाको भरुवा बन्दुक पड्किँदा मृत्यु भएको छ। जिल्ला प्रहरी कार्यालय मकवानपुरका अनुसार उक्त दुर्घटनामा मनहरी–६ बालभन्ज्याङका ५० वर्षीय सेतेलाल थिङको घटनास्थलमै ज्यान गएको हो। आइतबार दिउँसो थिङ र राक्सिराङ गाउँपालिका–८ का ४५ वर्षीय गोपाल ब्लोन सिकार खेल्ने उद्देश्यले जंगलतर्फ गएका थिए। प्रहरीका अनुसार दुवै जना आ–आफ्नो भरुवा बन्दुक बोकेर हिँडिरहेका बेला अगाडि रहेका ब्लोन लहरोमा अल्झिएर लडेका थिए। सोही क्रममा उनको बन्दुक अचानक पड्किँदा पछाडि रहेका थिङलाई गोली लाग्न गई गम्भीर घाइते भएका थिङको घटनास्थलमै मृत्यु भएको जनाइएको छ। दिउँसो करिब २ बजेतिर…

हेटौंडा, मंसिर २९ गते । हेटौंडा उपमहानगरपालिकाको फोहोर व्यवस्थापन स्थलमा बर्सेनि दोहोरिँदै आएको आगलागीलाई लिएर उपमहानगरपालिकाको भूमिकामाथि गम्भीर प्रश्न उठेको छ। सामाजिक अभियान्ता विशालराज महतले सामाजिक सञ्जालमार्फत आगलागी कुनै आकस्मिक नभई नियोजित भएको दाबी गर्दै जनस्वास्थ्य र वातावरणमाथि भएको खुला आक्रमणको विरोध गर्न आह्वान गरेका छन्। उनले आफ्नो स्टाटसमा “फोहोर व्यवस्थापनको जिम्मेवारी कस्को?”, “जनताको करबाट सञ्चालन हुने प्रणालीले किन जनतामाथि धुवाँ र विषालु ग्यास थोपर्छ?” र “कानून छ कि छैन?” जस्ता प्रश्न उठाउँदै उपमहानगरपालिकाको मौनताप्रति आपत्ति जनाएका छन्। महतका अनुसार डम्पिङ साइटमा बारम्बार हुने आगलागीले आसपासका बस्तीमा धुवाँ, दुर्गन्ध र विषालु ग्यास फैलिँदा सर्वसाधारणको स्वास्थ्य जोखिममा परेको छ भने वातावरणमा…

हेटौंडा, मंसिर २८ गते । हेटौंडा उपमहानगरपालिकाको फोहोर संकलन तथा डम्पिङ स्थलमा हरेक वर्ष दोहोरिँदै आएको आगलागी आकस्मिक नभई उपमहानगरपालिकाको लापरवाही, अदूरदर्शिता र असक्षम फोहोर व्यवस्थापन नीतिको प्रत्यक्ष परिणाम भएको भन्दै कडा आलोचना गरिएको छ। सामाजिक अभियन्ता विशालराज महतले आफ्नो सामाजिक सञ्जालमार्फत सार्वजनिक गरेको स्टाटसमा डम्पिङ स्थलमा बारम्बार हुने आगलागीले धुवाँ, दुर्गन्ध र विषालु ग्यास फैलिँदा पनि जिम्मेवार निकाय मौन बस्नु गम्भीर अपराध भएको उल्लेख गरेका छन्। उनका अनुसार डम्पिङ स्थलमा संकलित फोहोरबाट निस्कने ग्यास तथा प्लास्टिकजन्य पदार्थको खुला आगोका कारण स्थानीय बासिन्दाको स्वास्थ्यमा दीर्घकालीन क्षति पुगिरहेको छ। श्वासप्रश्वाससम्बन्धी रोग, छाला, आँखा तथा बालबालिका र ज्येष्ठ नागरिकमा जटिल स्वास्थ्य समस्या…

हेटौंडा, मंसिर २८ गते । जिल्ला प्रहरी कार्यालय मकवानपुरले प्रतिबन्धित लागू औषध गाँजा २२ किलो ६० ग्रामसहित एक महिलालाई नियन्त्रणमा लिएको जनाएको छ। प्रहरीका अनुसार मिति २०८२ साल मङ्सिर २७ गते अपरान्ह ३ बजेर २० मिनेटको समयमा हेटौंडा उपमहानगरपालिका वडा नम्बर ३ लेवटस्थित पूर्व–पश्चिम सडक खण्डमा गस्तीमा खटिएको प्रहरी टोलीले शंकास्पद रूपमा हिँडिरहेकी एक महिलालाई नियन्त्रणमा लिएको हो। नियन्त्रणमा लिइएकी महिला मकवानपुरको राक्सिराङ गाउँपालिका वडा नम्बर १ बस्ने वर्ष ४५ की लक्ष्मीमाया गोले रहेको प्रहरीले जनाएको छ। खानतलासीका क्रममा उनले बोकेको जेब्रा झोलाभित्र २२ किलो ६० ग्राम प्रतिबन्धित लागू औषध गाँजा फेला परेको थियो। बरामद लागू औषधसहित लक्ष्मीमाया गोलेलाई नियन्त्रणमा…

बस्तीपुर, मंसिर २८ गते । हेटौडा उपमहानगरपालिका वडा नम्बर १९ बस्तीपुरमा अवस्थित निर्मल माध्यमिक विद्यालयमा ५० औँ स्वर्ण जयन्ती उत्सव पौष ८ गतेदेखि सुरु हुने भएको छ। विद्यालयको स्वर्ण जयन्ती अवसरमा पौष ८ गतेदेखि १२ गतेसम्म निरन्तर शैक्षिक, खेलकुद, सांस्कृतिक तथा सामाजिक कार्यक्रमहरू आयोजना गरिने विद्यालयले जनाएको छ। रेडियो भरोसासँगको संवादमा विद्यालयका प्रधानाध्यापक प्रवोध बिडारीले स्वर्ण जयन्तीलाई ऐतिहासिक र स्मरणीय बनाउने उद्देश्यले विविध कार्यक्रम तय गरिएको जानकारी दिएका छन्। उनका अनुसार पहिलो दिन पौष ८ गते विद्यार्थी, टोल विकास समिति र स्काउटको सहभागितामा स्काउट मार्च पास प्रदर्शनी तथा र्‍याली पञ्चेबाजासहित आयोजना गरिनेछ। सोही दिन स्काउट मार्च पास प्रतियोगिता, उद्घाटन समारोह,…

मनहरी, मंसिर २७ गते । पश्चिम मकवानपुरको मनहरी–६ स्थित सुनाचुरी सामुदायिक वन उपभोक्ता समूहले चालु आर्थिक वर्षका स्वीकृत कार्यक्रमअनुसार गरिबी निवारण, महिला सशक्तीकरण, शिक्षा र स्वास्थ्य क्षेत्रमा केन्द्रित हुँदै उपभोक्ता तथा संघ–संस्थालाई लाखौँ रुपैयाँ बराबरको सहयोग हस्तान्तरण गरेको छ। शनिबार वन समूहको सभाहलमा आयोजित कार्यक्रममा गरिब तथा बिपन्न उपभोक्तालाई लक्षित सहयोग वितरण गरिएको हो। वन समूहका सचिव रमेश कार्कीका अनुसार महिला सशक्तीकरणतर्फ दुई जना महिलालाई सिलाइ–कटाइ मेसिन प्रदान गरिएको छ भने जाडो मौसममा भुइँमै सुत्न बाध्य ४५ परिवारलाई काठबाट निर्मित खाट वितरण गरिएको छ। शिक्षा क्षेत्रतर्फ मनहरी–६ स्थित राष्ट्रिय माध्यमिक विद्यालय सुनाचुरीले स्थापना गरेको अक्षय कोषमा थप १० लाख रुपैयाँ…

हेटौंडा, मंसिर २६ गते । हेटौंडा-२ स्थित सामुदायिक क्याम्पस मकवानपुर बहुमुखी क्याम्पसको निर्माणाधीन भवन शिलान्यास गरिएको छ । शुक्रबार आयोजित एक कार्यक्रम मार्फत भवनको शिलान्यास गरिएको हो। विश्वविद्यालय अनुदान आयोग मार्फत प्राप्त अनुदानबाट उक्त भवनको निर्माण कार्य सुरु गरिएको छ । निर्माणाधीन शैक्षिक ब्लक E को शिलान्यास विश्वविद्यालय अनुदान आयोगका अध्यक्ष प्रा. डा. देबराज अधिकारीले गरेका छन्। विश्वविद्यालय अनुदान आयोगबाट प्राप्त ६ करोड अनुदान अन्तर्गत लगभग साँडे चार करोडको टेन्डरमा निर्माण कार्य सुरु गरिएको उक्त भवन पूर्ण रुपमा भूकम्प प्रतिरोधात्मक बन्नेछ। क्याम्पस सन्चालक समितीका उपाध्यक्ष अशोक शाक्यको सभाध्यक्षतामा भएको शिलान्यास कार्यक्रममा क्याम्पस प्रमुख एम सिलवाल सहित अन्य सन्चालक समिती सदस्यहरु,…

भीमफेदी, मंसिर २५ गते । जिल्ला प्रहरी कार्यालय मकवानपुरबाट खटिएको विशेष प्रहरी टोलीले भीमफेदी गाउँपालिका अन्तर्गत कालिकाटार–नामटार क्षेत्रबाट ठूलो परिमाणको प्रतिबन्धित लागू औषध गाँजा बरामद गरेको छ। गोप्य सूचनाका आधारमा निगरानीमा रहेको टोलीले मङ्सिर २५ गते बिहान १ बजे शंका लागेपछि रोक्न खोजिएको बा १७ च ४२ नम्बरको बोलेरो पिकअप गाडी रोक्न नमानेपछि पछ्याउँदै गएको थियो। गाडी चालकमाथि नियन्त्रण स्थापित गर्न खोज्दा पिकअप गाडी भीमफेदी–३ पान्द्राङतर्फको ढुङ्गा खानी जाने भित्री बाटोतिर लैजान पुगिएको र त्यहीँ चालक फरार भएको प्रहरीले जनाएको छ। पछि गरिएको चेकजाँचमा गाडीको पछाडि ढालामा राखिएका १७ बोरा भित्र रातो प्लास्टिकले बाँधिएका ५० पोकामा जम्मा ४७० किलो गाँजा…