स्थानीय

मकवानपुर, कात्तिक २१ गते । मकवानपुर जिल्लाको उत्तरी भेगका विभिन्न स्थानमा अवैध रूपमा लगाइएको गाँजाको खेती प्रहरीले फडानी गरेको छ। जिल्ला प्रहरी कार्यालय मकवानपुर र सशस्त्र प्रहरी बल नेपाल नं. १४ गण हेटौडा मकवानपुरबाट संयुक्त रूपमा खटिएको १०२ जनाको टोलीले यहि असोज १७ गतेदेखि २० गतेसम्म सञ्चालन गरिएको विशेष अभियान मार्फत उक्त फडानी गरेको हो। प्रहरीका अनुसार राक्सीराङ गाउँपालिका अन्तर्गतका चिसापानी, बेल्टार, टेम्टा, गोरेटार, देबुटार, कैलाश गाउँपालिकाका सातकन्या, खैरेनी, लागु, जोइटी तथा भिमफेदी गाउँपालिकाका भदौरे, ज्यार्बु लगायतका विभिन्न वडाहरूमा गरी करिब ३० बिगाहा १० कठ्ठा क्षेत्रफलमा लगाइएका गाँजाका बोट र बेर्ना फडानी गरी नष्ट गरिएको हो। प्रहरीले गाँजाको खेती नियन्त्रणमा…

हेटौंडा, कात्तिक २१ गते । स्थायी लेखा नम्बर (प्यान कार्ड) अब स्थानीय तहबाटै प्रदान गरिने भएको छ। आन्तरिक राजस्व विभागले एक विज्ञप्ति जारी गर्दै प्यान कार्डसहित कर सम्बन्धी सेवा सम्बन्धित स्थानीय तहबाट नै उपलब्ध हुने व्यवस्था गरिएको जनाएको छ। यसअघि करदाता सेवा कार्यालय मार्फत मात्र प्यान कार्ड प्रदान गर्ने व्यवस्था थियो। तर हाल ती करदाता सेवा कार्यालयहरू खारेज गरिएसँगै कर प्रशासनको सेवा स्थानीय तह-मार्फतै सहज रूपमा उपलब्ध गराउने व्यवस्था गरिएको विभागले जनाएको छ। यस कदमले करदातालाई आफ्नै नजिकको स्थानीय तहबाट प्यान कार्ड र अन्य करसम्बन्धी सेवा लिन सहजता मिल्ने अपेक्षा गरिएको छ।

हेटौंडा, कात्तिक २० गते । मकवानपुरका प्रमुख जिल्ला अधिकारी (सीडीओ) बसन्त अधिकारीले हेटौँडा उपमहानगरपालिकाकी प्रमुख मीना कुमारी लामासँग सामाजिक सञ्जालमा गरिएको आपत्तिजनक स्टाटसबारे बुझ्दा उनले उक्त विषयलाई पुरानो भएको बताउँदै कुनै जाहेरी नदिएको जानकारी दिएका छन्। सीडीओ अधिकारीका अनुसार, मेयर लामाले उक्त विषयबारे सोध्दा मुस्कुराउँदै “पुरानो कुरा हो” भन्दै सहज ढङ्गमा प्रतिक्रिया दिएकी थिइन्। उनले यसबारे कुनै औपचारिक उजुरी वा कानुनी कदम नचालेकी समेत अधिकारीले बताएका छन्। हालै सामाजिक सञ्जाल फेसबुकमा मेयर लामासम्बन्धी केही विवादास्पद टिप्पणीहरू सार्वजनिक भएपछि यस विषयमा प्रशासनको ध्यान गएको थियो। तर मेयर लामाले यसलाई व्यक्तिगत रूपमा नलिइ, सार्वजनिक जिम्मेवारीका क्रममा आउने सामान्य चुनौतीको रूपमा स्वीकार गरेकी…

हेटौंडा, कात्तिक २० गते । विश्व हिन्दू महासंघ नेपाल, हेटौँडा नगर समितिले हेटौँडा उपमहानगरपालिकाकी प्रमुख मीना कुमारी लामामाथि भएको अपमान, धम्की र नारी अस्मिता माथिको आक्रमणको कडा विरोध गर्दै प्रमुख लामालाई पूर्ण साथ दिने घोषणा गरेको छ। जेन जि आन्दोलनपछि पनि प्रमुख लामामाथि निरन्तर मानसिक यातना, अपमानजनक व्यवहार र बलात्कारसम्मका धम्की आएको भन्दै प्रमुख लामाले हालै सामाजिक सञ्जाल फेसबुक मार्फत घटना सार्वजनिक गरेकी थिइन्। उक्त घटनापछि हेटौँडामा व्यापक चर्चा र प्रतिक्रिया देखिएको छ। यसै सन्दर्भमा बिहीबार विश्व हिन्दू महासंघ नेपाल हेटौँडा नगर समितिको टोली अध्यक्ष राजेश वाग्लेको नेतृत्वमा उपमहानगरपालिकामा पुगेर नगर प्रमुख लामालाई समर्थन पत्र बुझाएको छ। अध्यक्ष वाग्लेले प्रमुख…

हेटौंडा, कात्तिक २० गते । हेटौंडा उपमहानगरपालिकामा फोहोर व्यवस्थापनको नाममा भइरहेको आर्थिक अनियमिता, पारदर्शिताको अभाव र सम्भावित भ्रष्टाचारबारे सामाजिक अभियान्ता विशाल राज महतले गम्भीर प्रश्न उठाएका छन्। उनले आफ्नो सामाजिक सञ्जाल मार्फत लेख्दै फोहोर संकलन प्रणालीमा “गैर-जिम्मेवारी, असन्तुलन र जनधनको दुरुपयोग” भइरहेको दाबी गरेका छन्। उपमहानगरपालिकाले प्रत्येक वडाका घरधुरीबाट मासिक रूपमा रु १०० देखि २०० र होटल, रेस्टुरेन्टबाट रु २,००० देखि ३,००० सम्म उठाउने गरेको छ। फोहोर व्यवस्थापनका लागि ठेक्का प्रणालीमार्फत ग्रीन एण्ड क्लिन सिटी प्रालिलाई जिम्मा दिइएको छ, जसले सम्झौताअनुसार उपमहानगरलाई वार्षिक रु ५ लाख बुझाउने व्यवस्था गरिएको छ। तर, तथ्यांक अनुसार हेटौंडामा करिब ४६,५६६ घरधुरी मध्ये २५,००० घरधुरी…

हेटौंडा, कात्तिक १८ गते । हेटौँडा उपमहानगरपालिकाकी महिला मेयरमाथि आएको बलात्कारको धम्की प्रकरणप्रति सामाजिक अभियन्ता विशालराज महतले घोर भत्सर्ना गरेका छन्। उनले यो घटना कुनै व्यक्ति वा पदमाथिको मात्रै नभई नागरिक सुरक्षामाथिको प्रत्यक्ष चुनौती भएको बताएका छन्। महतले सामाजिक सञ्जालमा लेख्दै भनेका छन्, “लोकतान्त्रिक समाजमा जनप्रतिनिधि, त्यो पनि एक महिला नेतृत्वकर्तामाथि यस्तो आपराधिक व्यवहार हुनु राज्यको सुरक्षा संयन्त्र र समाजको मानसिक अवस्थाको गम्भीर संकेत हो।” उनले लोकतन्त्रमा सल्लाह, सुझाव र विरोध स्वाभाविक भए पनि कसैको अस्मितामाथि हमला गर्नु अस्वीकार्य रहेको बताए। उनका अनुसार यस्ता घटनाले सम्पूर्ण समाजको सोच र सभ्यतामाथि प्रश्न उठाउँछन्। महतले नागरिक समाज, राजनीतिक दल, अभियन्ता र सचेत…

हेटौंडा, कात्तिक १८ गते । लागुऔषध दुर्व्यसन, मदक पदार्थ प्रयोग तथा मानसिक स्वास्थ्य समस्याबाट ग्रस्त व्यक्तिहरूको उपचार, परामर्श र पुनर्स्थापनामा क्रियाशील सिआन पुनर्स्थापना केन्द्रलाई हुलास स्टिल इण्डष्ट्रिज लिमिटेड, सिमरा बाराले स्टिल रूफिङ सिट (जस्ता पाता) सहयोग प्रदान गरेको छ। कुल ४ हजार वर्गफुट बराबरका २० बन्डल रूफिङ सिट, जसको बजार मूल्य करिब दुई लाख रुपैयाँ बराबर पर्छ, केन्द्रलाई हस्तान्तरण गरिएको हो। सहयोग सामग्री हस्तान्तरण कार्यक्रम हुलास स्टिल इण्डष्ट्रिज लिमिटेडका प्रशासन प्रमुख रवीन्द्र पण्डितको पहलमा सम्पन्न भएको थियो। उक्त अवसरमा सिआन पुनर्स्थापना केन्द्रका प्रतिनिधि अनुप भुजेल, रोशन सिलवाल, मनिष मान श्रेष्ठ र राहुल सुवेदीले सहयोग सामग्री ग्रहण गरे। कार्यक्रममा बोल्दै प्रशासन…

हेटौडा, कात्तिक १७ गते । गैरसरकारी संस्था महासंघ नेपालले हालको राजनीतिक परिवेशमा नागरिक समाज र गैरसरकारी संस्थाहरूमाथि नियोजित रूपमा भ्रम, आरोप र हल्ला फैलाउने गतिविधिप्रति गम्भीर चिन्ता व्यक्त गरेको छ। महासंघले यस्तो प्रवृत्तिले लोकतन्त्र, संविधान र मानव अधिकारका मूल मूल्यमा प्रहार गरेको ठहर गर्दै नागरिक समाजको ऐतिहासिक योगदानको अवमूल्यन अस्वीकार्य रहेको जनाएको छ। महासंघले नागरिक समाजमाथिको अविश्वास र निराधार आरोपहरू लोकतान्त्रिक मूल्य र सिद्धान्तमाथि प्रहार भएको उल्लेख गर्दै, राज्य, राजनीतिक दल र नागरिक समाज सबैले आत्मसमिक्षा गर्दै उत्तरदायित्वपूर्ण साझेदारीमा अघि बढ्नुपर्ने आवश्यकता औंल्याएको छ। हालैको जेन जि आन्दोलनपछि केही राजनीतिक वृत्त, सञ्चारमाध्यम र सामाजिक सञ्जालमा आएका टिप्पणीहरूले नागरिक समाजको भूमिकामाथि…