स्थानीय

हेटौँडा, मंसिर २५ गते । हेटौंडा–१६ स्थित शिवम् सिमेन्ट उद्योगबाट निस्कने कालो धुवाँ र धुलोका कारण स्थानीय बस्ती, विद्यालय र कृषि क्षेत्र गम्भीर रूपमा प्रभावित भएको भन्दै जिल्लावासी र सामाजिक अभियन्ताहरूले समस्या समाधानका लागि सरकारको ध्यानाकर्षण गराएका छन्। सामाजिक अभियान्ता विशालराज महतले सामाजिक सञ्जालमा पोस्ट गर्दै उद्योगको प्रभावले लक्ष्मी आधारभूत विद्यालयका बालबालिकाले मुख छोपेर पढ्नुपर्ने, उद्योगको बज्रध्वनीले कक्षा–कक्षामा अवरोध हुने र समग्र बस्तीको स्वास्थ्यमा गम्भीर असर परेको बताए। महतका अनुसार विद्यालयले शिवम् सिमेन्टबाट केही रकम तथा ‘छात्रवृत्ति’ जस्ता आर्कषक प्रस्तावहरू स्वीकार गरेको चर्चा चलेको छ। उनले यस्ता ‘ललिपप’ स्वीकार गर्नु विद्यालयको गल्ती भएको भन्दै आलोचना गर्दै लेखेका छन्, “विद्यार्थीकै स्वास्थ्यभन्दा…

हेटौँडा, मंसिर २४ गते । मकवानपुरमा प्रहरीले खैरो हेरोइन जस्तो देखिने लागूऔषधसहित एक जनालाई पक्राउ गरेको छ। गए राति करिब ११:४५ बजे विशेष सूचनाका आधारमा वडा प्रहरी कार्यालय हेटौडाबाट खटिएको टोलीले हेटौडा उपमहानगरपालिका– ९, सिर्जनाटोलबाट एक व्यक्तिलाई नियन्त्रणमा लिएको हो। प्रहरीका अनुसार ऐलानी वडा नम्बर ४ बस्ने ३६ वर्षीय संजोग पौडेलको साथबाट खैरो हेरोइन जस्तो देखिने १ ग्राम ८० मिलिग्राम लागूऔषध फेला परेको थियो। बरामद गरिएको पदार्थसहित पौडेललाई नियन्त्रणमा लिएर आवश्यक कानुनी प्रक्रिया अघि बढाइएको प्रहरीले जनाएको छ। उक्त घटनामा मकवानपुर जिल्ला अदालत हेटौडाबाट लागूऔषध कसुरमा म्याद अनुमति लिएर थप अनुसन्धान भइरहेको जिल्ला प्रहरी कार्यालय मकवानपुरले जानकारी दिएको छ।

हेटौँडा, मंसिर २४ गते । जिल्ला प्रहरी कार्यालय मकवानपुर तथा मातहतका प्रहरी कार्यालयबाट खटिएको संयुक्त प्रहरी टोलीले जिल्लाका विभिन्न स्थानमा अबैध रूपमा नदीजन्य पदार्थ उत्खनन तथा ओसार–पसार गर्दै गरेका १३ वटा ट्याक्टर नियन्त्रणमा लिई आवश्यक कारबाहीका लागि सम्बन्धित स्थानीय तहमा पठाएको छ। मंगलबार गरिएको अभियानका क्रममा ढुंगा–बालुवा जस्ता नदीजन्य पदार्थ अनधिकृत रूपमा उत्खनन तथा ढुवानी भइरहेको सूचनाको आधारमा गरिएको चेकजाँचमा तल उल्लेखित नंम्बरका ट्याक्टर नियन्त्रणमा लिइए: १. ना.५ त ७१८६ २. प्रदेश २–०३–००१ त ४१०८ ३. ना.६ त ३५६६ ४. ना.६ त ९८९९ ५. ना.७ त १३३ ६. ना.४ त ४०४९ ७. प्र २–०३–००१ त ६४८० ८. बा.प्र.०३–००१ त ३९९…

हेटौडा, मंसिर २४ गते । हेटौडा उपमहानगरपालिकाले २५–२५ गज सडक विस्तारका क्रममा भत्काइएका संरचनाको ठाउँमा केही व्यापारीहरूले पुनः सामान राखेर व्यापार सञ्चालन गर्न थालेपछि उपमहानगरपालिकाले सार्वजनिक सूचना जारी गरेको छ। उपमहानगरपालिकाले भत्काइएका संरचनाका कमजोर भागबाट सामान झर्ने जोखिमका कारण त्यहाँ सामान खरिद गर्न आउने ग्राहकको ज्यानसमेत जोखिममा पर्ने उल्लेख गर्दै तत्काल सो क्षेत्र खाली गर्न आग्रह गरेको हो। यसबाहेक, तोकिएको ठाउँमा व्यापार सञ्चालन नगर्न उपमहानगरपालिकाले सबै व्यापारीलाई अनुरोध गरेको छ। यथास्थितिमा व्यापार व्यवसाय जारी राखे कानूनअनुसार कारबाही गरिने चेतावनी समेत उपमहानगरपालिकाले दिएको छ। उपमहानगरपालिकाले सार्वजनिक सुरक्षालाई प्राथमिकता दिँदै सडक विस्तार कार्यलाई सहज र सुरक्षित बनाउन सबै पक्षको सहयोग आवश्यक रहेको…

मकवानपुर, मंसिर २३ गते । मकवानपुरको पूर्वी क्षेत्रमा अवस्थित बागमती गाउँपालिकामा जेन–जीले ४० सदस्यीय कार्यसमिति सर्वसम्मतरूपमा गठन गरेको छ। जेन–जी मकवानपुरका संयोजक सुविन खत्रीका अनुसार भदौ २३ र २४ गतेदेखि देशभर अन्याय, भ्रष्टाचार र व्यथिति विरुद्ध सक्रिय रहेका युवाहरूलाई संगठित गर्ने उद्देश्यले स्थानीय युवासँगको विस्तृत छलफलपछि नयाँ समिति विस्तार गरिएको हो। नवगठित समितिको संयोजकमा सचिन थापा मगर चयन भएका छन् भने सचिवमा रमेश थोकर नियुक्त भएका छन्। त्यस्तै कोषाध्यक्षमा उमेश लामा जिम्मेवारी पाएका छन्। समितिमा अन्य ३७ जना सदस्यसमेत चयन गरिएको खत्रीले जानकारी दिए। कार्यसमितिमा बिरबल राई, बाशु राई, निर्मल राई, नवराज राई, धनबहादुर भोलन, अदिप श्रेष्ठ, नविन भोलन र…

हेटौँडा, मंसिर २२ गते । हेटौडा बजार क्षेत्रमा भइरहेको सडक विस्तारबारे समाचार संकलन र प्रसारणका क्रममा संलग्न पत्रकारमाथि पटक–पटक अवरोध, दबाब र अनावश्यक रोकथाम गरिएको भन्दै स्वतन्त्र पत्रकार संघ नेपाल, मकवानपुरले गम्भीर आपत्ति जनाएको छ। सडक विस्तारका कारण प्रभावित समुदायका आवाज, प्रशासनिक प्रक्रियाको यथार्थ अवस्था र नागरिक सरोकारका विषयहरू सार्वजनिक गर्ने क्रममा पत्रकारमाथि भएको हस्तक्षेपलाई सङ्घले लोकतान्त्रिक मूल्य र संवैधानिक अधिकारमाथिको प्रत्यक्ष प्रहारका रूपमा व्याख्या गरेको छ। जिल्ला प्रशासन कार्यालय अगाडि समाचार संकलनमा पुगेका सङ्घका सचिव तथा पत्रकार बसन्त भण्डारीसहित अन्य सञ्चारकर्मीहरूलाई गरिएको असभ्य व्यवहार कुनै पनि मान्यताको दायरामा नपर्ने भन्दै सङ्घले कडा शब्दमा भर्त्सना गरेको छ। नेपालको संविधानको धारा…

हेटौँडा, मंसिर २२ गते । हेटौँडा बजार क्षेत्रमा जारी सडक विस्तारको विवादसँगै प्रभावित घरधनीहरूबाट ‘आफ्नो आवाज सञ्चारमाध्यमले प्रसारण गरेन’ भन्ने गुनासो बढिरहेका बेला इन्फो नेपालका पत्रकार वसन्त भण्डारीले सामाजिक सञ्जालमार्फत सार्वजनिक रूपमा आफ्नो धारणा व्यक्त गरेका छन्। भण्डारीका अनुसार सडक विस्तारको सूचना सार्वजनिक भएको पहिलो दिनदेखि नै आफूले सबै घरधनीहरूको आवाज सुनेर प्रसारण गरेको र कुनै पनि पक्षलाई छायामा पार्ने उदेश्य कहिल्यै नरहेको स्पष्ट गरेका छन्। उनले भने, “बोल्न चाहने सबैलाई सुनेँ, संचारमाध्यममा प्रकाशन गरेँ। प्रशासनले दिएको सूचना नागरिकसम्म पुर्‍याउनु पत्रकारको दायित्व हो, पक्षपात होइन। प्रभावितको पीडा, आक्रोस, मुवाब्जा नपाएको गुनासो—सबै जस्ताको तस्तै प्रस्तुत गर्दै आएको छु।” भण्डारीले आन्दोलनका दृश्य,…