समाचार

इटहरी। सुनसरीको रामधुनी नगरपालिका ४ रामपुरामा खाना पकाउने क्रममा प्रेसर कुकर पड्कँदा ४५ वर्षीया एक महिला गम्भीर घाइते भएकी छन्। हिजो (सोमबार) बेलुकी करिब ६ः४० बजे घरमै खाना पकाउने क्रममा कुकर पड्कँदा बिमला भट्टराईको अनुहार र बायाँ हातमा गम्भीर चोट लागेको हो। घाइते भट्टराईलाई बेलुकी ९ः४० बजे उपचारका लागि धरानको बीपी कोइराला स्वास्थ्य विज्ञान प्रतिष्ठान पुर्‍याइएको थियो। त्यहाँ सामान्य उपचारपछि थप उपचारका लागि विराटनगरस्थित ग्रिनक्रस अस्पतालमा रेफर गरिएको प्रहरीले जनाएको छ। भट्टराईको अवस्था हाल मध्यम रहेको र विराटनगको ग्रिनक्रस अस्पतालको आईसीयू वार्डमा भर्ना गरिएको बताइएको छ। घाइते भट्टराईको उपचारमा उनका श्रीमान् कृष्ण भट्टराई संलग्न छन्। घटनाको जानकारी पाएलगतै प्रहरी चौकी…

मोरङ। दलित समुदायको हकहित सुनिश्चित गर्ने उद्देश्यले आयोजित दुईदिने कानूनी साक्षरता तालिम सोमबार सम्पन्न भएको छ। दिब्यज्योति मिडिया प्रालिको आयोजनामा तथा उर्लाबारी नगरपालिका वडा नं. ३ को आर्थिक सहयोगमा सञ्चालित तालिम उर्लाबारी–३ स्थित दुर्गा मन्दिरको सभा हलमा सम्पन्न भएको हो। कार्यक्रम दिब्यज्योति मिडिया प्रालिका अध्यक्ष कुमार खड्काको अध्यक्षतामा सम्पन्न भएको थियो भने प्रमुख अतिथिको रूपमा जिल्ला समन्वय समिति मोरङका सदस्य मित्र प्रसाद ढकालको उपस्थिति रहेको थियो। समापन कार्यक्रममा वडा नं. ६ की वडा सदस्य कृष्ण कुमारी विक, अधिकारकर्मी सम्झना मोते, बिमला सुन्दास, सञ्चारकर्मी दिलिप पोखरेल लगायतको उपस्थिति रहेको थियो। कार्यक्रममा शुभकामना मन्तव्य राख्दै वडा सदस्य कृष्ण कुमारी विकले दलित समुदायको…

राैतहट। राैतहटका नयाँ प्रहरी उपरीक्षक (एसपी) नेत्रमणि गिरीले आफू कुनै राजनीतिक या अन्य प्रभावकाे कारणले राैतहट आएकाे नभई नियमित प्रशासनिक प्रक्रियामार्फत आएकाे स्पष्ट पारेका छन्। जिल्ला प्रहरी कार्यालयद्वारा आयोजित एक परिचयात्मक कार्यक्रममा उनले भने, “म कसैकाे साेर्समा अाएकाे हैन। यदि राैतहट आएको हुने भएन भने म महोत्तरी वा सर्लाही जान्थेँ।” पत्रकारहरूकाे जिज्ञासामा जवाफ दिंदै एसपी गिरीले अपराध नियन्त्रण, शान्ति सुरक्षा कायम राख्न र नागरिकलाई न्याय दिलाउन आफु प्रतिवद्ध रहेकाे बताए। उनले भने, “पिडितलाई अन्याय हुन दिन्न। कसैलाई दुख दिने मेरो उदेश्य छैन। निर्दोषलाई दुःख दिने काम नगराैँ।” उनले जिल्लामा तस्करी नियन्त्रणलाई प्राथमिकतामा राखिने जनाउँदै भने, “तस्करी नियन्त्रण गर्नु हाम्रो कर्तव्य…

पोखरा। पोखरा महानगरपालिका वडा नं. ४ का वडाध्यक्ष देवकृष्ण पराजुलीलाई प्रहरीले पक्राउ गरेको छ। व्यवसायी लेखनाथ सुवेदीले दिएको जाहेरीका आधारमा उनलाई पक्राउ गरिएको प्रहरी स्रोतले जनाएको छ। वडाध्यक्ष पराजुलीले मंगलबार महानगरपालिकाका दुई व्यक्तिलाई हातपात गरेको आरोप लागेको छ। उनले महानगरपालिकाका प्रमुख प्रशासकीय अधिकृतको कार्यकक्षमै प्रशासन शाखा प्रमुख इश्वरीप्रसाद पोख्रेललाई हातपात गरेका थिए। त्यसैगरी, सोही दिन फुटपाथमा सामान राखेको विषयलाई लिएर उनले व्यवसायी सुवेदीलाई पनि दुर्व्यवहार गर्दै हातपात गरेको बताइएको छ। वडाध्यक्षको यस्तो व्यवहारपछि महानगरपालिकाका कर्मचारीहरू आन्दोलित भएका थिए र बुधबार उनीहरूले महानगरको सेवा ठप्प पारेका थिए। यसैबीच, हातपातबाट पीडित व्यवसायी सुवेदीले वडाध्यक्ष पराजुलीविरुद्ध प्रहरीमा औपचारिक उजुरी दर्ता गराएका थिए। सोही…

काठमाडौँ। पब्लिकेसन नेपालयले आफ्नो स्थापनाको २०औँ वर्षगाँठको अवसर पारेर विशेष छुटसहितको पुस्तक मेला आयोजना गर्ने भएको छ। संस्थाले आफ्ना प्रकाशनहरूमा अधिकतम ६० प्रतिशतसम्म छुट प्रदान गर्ने जनाएको छ। यही वैशाख २७ र २८ गते, शनिबार र आइतबार, काठमाडौंको कालिकास्थानस्थित नेपालयको कार्यालयमा आयोजना हुने मेलामा पाठकहरूले आफ्ना प्रिय लेखकहरूसँग प्रत्यक्ष भेटघाट गर्ने अवसर समेत पाउनेछन्। पब्लिकेसन नेपालयका प्रमुख कार्यकारी सैजन मास्केले पाठकहरूले आफ्ना रुचाइएका पुस्तकहरू एकै स्थानमा छुट मूल्यमा प्राप्त गर्न सकून् र लेखकहरूसँग साक्षात्कार गर्न पाऊन् भन्ने उद्देश्यले यो पुस्तक मेला आयोजना गरिएको बताइन्। ‘हाम्रो पहिलो प्रकाशन ‘पल्पसा क्याफे’ले पाठकहरूको अथाह माया पायो,’ उनले भनिन्, ‘२० वर्षदेखि प्राप्त यस स्नेहको…

पोखरा। पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञको आयोजनामा आगामी जेठको पहिलो साता राष्ट्रव्यापी खुल्ला वक्तृत्वकला प्रतियोगिता हुने भएको छ। ‘सनातन संस्कृति, गण्डकी कोटिहोम र हामी विद्यार्थी’ शीर्षकमा कक्षा ८ देखि १२ सम्म अध्ययनरत विद्यार्थीहरूले प्रतिस्पर्धा गर्न पाउनेछन्। एसईई तथा कक्षा ११ को परीक्षा दिएका विद्यार्थीहरूलाई पनि प्रतियोगितामा सहभागी हुन अवसर दिइएको प्रतियोगिता संयोजक, पब्लिक स्पिकर, मोटीभेटर, शिक्षा तथा संस्कृतिविद् डा. तुलसी प्रभास खनालले जानकारी दिए। प्रतियोगितामा उत्कृष्ट प्रस्तुति प्रस्तुत गर्ने विद्यार्थीहरूलाई आकर्षक पुरस्कारको व्यवस्था गरिएको छ। प्रथम हुनेले रु ५१ हजार १ सय ५१, द्वितीय हुनेले रु ४१ हजार १ सय ४१, तृतीय हुनेले रु ३१…