समाचार

मोरङ। उर्लाबारी - ६ हाटखोलामा रहेको उर्लाबारी युवा क्लबको संरचना अब सम्झनामा मात्र सीमित हुने भएको छ। बिक्रम संवत् २०५८ सालमा स्थानीय युवाहरूलाई संगठित गर्दै बरुण लाबुङको सम्योजकत्वमा गठित समितिको पहलमा स्थापना भएको यो क्लब सामाजिक तथा खेलकुद गतिविधिमा निकै अगाडि रहँदै आएको थियो। मिरमिरे युवा क्लबको बिरासतका रुपमा परिचित यस संस्थाले दुर्व्यसन मुक्त समाज निर्माणको उद्देश्यसहित विभिन्न सामाजिक कार्य गर्दै २४ वर्ष लामो यात्रा तय गरेको छ । दिपेन्द्र स्मृति पुर्वाञ्चल स्तरीय फुटबल प्रतियोगिता मार्फत संगठित भएको क्लबले सरसफाइ,बजार ब्यवस्थापन,सडक बत्ती जडान,छाडा चौपाया नियन्त्रण,उर्लाबारी चौकमा सार्वजनिक सौचालय निर्माण,उपेन्द्र थापा गोल्डकप फुटबल प्रतियोगिताका साथै तत्कालीन समयमा विद्युतको महसुल काउन्टर उर्लाबारीमा…

काठमाडौँ। कक्षा १२ को परीक्षा ११ गते नहुने भएको छ। प्रधानमन्त्री केपी शर्मा ओलीले कक्षा १२ को परीक्षा केही दिन सार्न निर्देशन दिएको कारण तोकिएको मितिमा परीक्षण नहुने भएको हो। भोलि कक्षा १२ को परीक्षाको सारिएको समयतालिका सार्वजनिक गर्ने भएको छ। सारिएको कक्षा १२ को परीक्षाको समयतालिका परीक्षा बोर्डले भोलि नै सार्वजनिक गर्ने भएको हो। यसअघि परीक्षा बोर्डले कक्षा १२ को परीक्षाको समयतालिका यही वैशाख ११ गते गर्ने निर्णय गरेको थियो। तर परीक्षा बोर्डले हर प्रयास गर्दा पनि तोकिएको समयमा भने परीक्षा गर्न सकेन।

काठमाडौं। कक्षा १२ को परीक्षा सरेको छ। प्रधानमन्त्री केपी शर्मा ओलीको निर्देशनपछि राष्ट्रिय परीक्षा बोर्डले यही वैशाख ११ गतेदेखि तय भएको परीक्षा सारेर २१ गतेदेखि तय गरेको हो। शिक्षक आन्दोलनका कारण परीक्षा सम्भव नदेखिएपछि प्रधानमन्त्रीले परीक्षा सार्न निर्देशन दिएका थिए । विद्यालय शिक्षा ऐन जारी गर्न माग गर्दै देशभरका शिक्षक काठमाडौंमा आन्दोलनमा छन् । यसैबीच हिजो शिक्षामन्त्री विद्या भट्टराईले पनि राजीनामा बुझाएकी थिइन।

काठमाडौँ। राष्ट्रिय परीक्षा बोर्डले यही ११ गते हुने कक्षा १२ को परीक्षा नरोक्ने भएको छ। राष्ट्रिय परीक्षा बोर्डले आज बसेको परीक्षा बोर्डको बैठकले यस्तो निर्णय गरेको हो। साथै परीक्षा बोर्डले परीक्षार्थी विद्यार्थी भाइबहिनीहरूलाई परीक्षा तयारी गर्न पनि आग्रह गरेको छ। अहिले भइरहेको शिक्षक तथा कर्मचारीको आन्दोलनको कारण कक्षा १२ को परीक्षा निर्धारित समयमा हुने नहुने अन्यल रहेको थियो। आज बसेको बैठक बोर्डले सबै तहका जिल्लाका परीक्षा समन्वय समिति मार्फत कक्षा १२ को परीक्षा केन्द्र भएका विद्यालयलाई परीक्षा सञ्चालनको तयारी गर्न पनि विशेष अनुरोध गरेको छ।

जाजरकोट। जाजरकोटमा पछिल्लो दिनहरूमा भूकम्पको धक्का पटकपटक गइरहेको छ। हिजो सोही अनुरूप राति ९:११ मिनेट जाँदा जाजरकोटको पैक भन्ने स्थानलाई मुख्य केन्द्रबिन्दु बनाएर ४.१ म्याग्निच्युडको भूकम्प गएको र फेरि पुनः ७ घण्टाको अन्तरालमा आज बिहान ४ बजेर ५३ जाँदा अर्को भूकम्पको धक्का गएको छ। पटकपटक सात घण्टाको अन्तरालले गएको भूकम्प बिहान कुशे गाउँपालिकाको पैकलाई केन्द्रबिन्दु बनाएर ४ दशमलव ४ म्याग्निच्युडको भएको राष्ट्रिय भूकम्प मापन केन्द्र तथा अनुसन्धान केन्द्रले जानकारी दिएको छ। यस अघि पनि गत चैत्र २१ गते साँझ ८ बजेर ७ मिनेट र ८ बजेर १० मिनेट जाँदा सोही स्थानलाई केन्द्रबिन्दु बनाएर दुईपटकसम्म भूकम्प गएको थियो। गएको पहिलो भूकम्प भने…

मेचिनगर । झापा जिल्लाको मेचिनगर नगरपालिकाले पालिकाभित्र वैशाख ३ गते स्थानीय सार्वजनिक विदा दिएको छ । मेचे जातिको महान पर्व बैसागु बथरको दिन नगरले स्थानीय सार्वजनिक विदा दिने निर्णय गरेको हो । बैसागु बथरको उपलक्ष्यमा सम्पूर्ण मेचे समुदायमा सुख, शान्ती र समृद्धिको कामना गर्दै मेचिनगर नगरपालिका क्षेत्रभित्र मिति २०८२/०१/०३ गते बुधबारका दिन स्थानीय सार्वजनिक विदा गरेको हो । विदाको दिन नगर कार्यपालिकाको कार्यलय र मातहतका कार्यलयहरु तथा नगर क्षेत्रभित्रका शैक्षिक संस्थाहरुमा अत्यावश्यक सेवा बाहेक स्थानीय सार्वजनिक विदा हुने निर्णय गरेको छ ।

चितवन । हतियार सफा गर्ने क्रममा गोली लागेर एक सैनिक जवानको मृत्यु भएको छ । मृत्यु हुनेमा नयाँ गोरख गण कसरामा कार्यरत सैनिक जवान २२ वर्षीय चन्द्रकिशोर दास रहेका छन् । ब्यारेकको हतियार सफा गर्ने क्रममा हतियार पड्किएर उनको मृत्यु भएको जिल्ला प्रहरी कार्यालयका सूचना अधिकारी रवीन्द्र खनालले जानकारी दिए । खनालका अनुसार सफा गर्ने क्रममा हतियार पड्किँदा घाइते भएका दासको चितवन मेडिकल कलेजमा उपचारका क्रममा आज साँझ मृत्यु भएको हो । दास चितवन राष्ट्रिय निकुञ्जको चरनपुर पोष्टमा कार्यरत थिए । बिहान गस्ती गरि फर्किएर हतियार व्यवस्थापन गर्दैगर्दा उनलाई गोली लागेको थियो ।

ललितपुर। ललितपुरमा दाईले नै बहिनीको हत्या गरेका छन्। ललितपुर महानगरपालिका–१२ मंगलबजार बस्ने ११ वर्षिया दुर्गा बोहराको हत्या भएको हो। हत्याका संलग्न उनका १५ वर्षिय दाईलाई प्रहरीले पक्राउ गरेको छ। गत २९ चैतमा दुर्गाको शव ललितपुर महानगरपालिका– ९ खपिन्छेस्थित बाबुराजा अवालेको घरको पानी ट्याङकीमा भेटिएको थियो। दुर्गा हराएको भनेर चैत ६ गते नै उनकी आमा भगवतीले निवेदन दिएकी थिइन्।

सुनसरी। सुनसरी सिमावर्ती क्षेत्र रहेको देवानगञ्ज गाउँपालिका वडा नं - २ स्थित यादव टोलदेखि पश्चिम रा.सी जाने बाटोमा सोमबार साँझ गोली हानाहान भएको छ। उक्त घटनामा दुई जना गम्भीर घाइते भएका छन्। घाइतेहरू देवानगञ्ज गाउँपालिका वडा नम्बर १ निवासी बद्री यादवका छोरा अन्दाजी २४ वर्षीय रविन्द्र यादव र शिवु मेहता रहेका छन्। उनीहरूलाई प्रारम्भिक उपचारपछि गम्भीर अवस्थाका कारण विराटनगर पठाइएको जिल्ला प्रहरी कार्यालय सुनसरीले जनाएको छ।

झापा। झापाको अर्जुनधारा स्थित जलेश्वरधामले बुधबार १९ जोडी नव दुलाह–दुलहीको सामूहिक विवाह सम्पन्न गरेको छ। धामका अध्यक्ष नविन गट्टानीको २५ औं जन्मोत्सव तथा सनातनी धर्मको प्रवर्द्धनका लागि आयोजित उक्त कार्यक्रम भव्य रुपमा सम्पन्न भएको हो। सामूहिक विवाहका प्रमुख अतिथि संघीय सांसद तथा सभामुख देवराज घिमिरे थिए। उनले नवविवाहित जोडीलाई शुभकामना दिँदै मानव जीवनको सुरुवातसँगै आएको महत्वपूर्ण दिनलाई सुनौलो बनाउन प्रेरित गरे। सभामुख घिमिरेले जलेश्वरधामको चौतर्फी विकास आवश्यक रहेको उल्लेख गर्दै यसलाई वैज्ञानिक ढंगबाट अगाडि बढाउनुपर्ने धारणा व्यक्त गरे। आर्थिक रूपमा कमजोर परिवारलाई विवाहमा सहजता प्रदान गर्न धामको अगुवाइमा अध्यक्ष गट्टानीले विशेष पहल गरेका थिए। मुख्य अर्चक अग्नी सिग्देलका अनुसार केही…