समाचार

काठमाडौं। नेपाली कांग्रेसको भ्रातृ संस्था नेपाल राष्ट्रिय मगर संघले आफ्नो तेस्रो राष्ट्रिय महाधिवेशन आगामी साउन महिनाको ३० र ३१ गते काठमाडौंको सानेपास्थित कांग्रेस केन्द्रीय कार्यालयमा गर्ने निर्णय गरेको छ। संघका सभापति दिनेश थापा मगरले ललितपुरको सानेपामा शुक्रबार बसेको केन्द्रीय समितिको बैठकले ‘जागरण, रूपान्तरण र मगर एकता’ भन्ने मूल नाराका साथ महाधिवेशन गर्ने निर्णय गरेको जानकारी दिए। महाधिवेशनलाई भव्य रूपमा सम्पन्न गर्न सभापति दिनेश थापा मगरको अध्यक्षतामा १०१ सदस्यीय मूल व्यवस्थापन समिति गठन गरिएको छ। यसैगरी, रिक्त रहेका केन्द्रीय सदस्य पदमा नेपाल राष्ट्रिय मगर संघ कोशी प्रदेशका निवर्तमान सभापति जगत राना मगर र सरिता राना मगरलाई मनोनयन गरिएको छ। बैठकले प्रदेश…

बाजुरा। बाजुरा जिल्लाको बुढीनन्दा नगरपालिका–७ सेरकाटियामा शुक्रबार बिहान अज्ञात विस्फोटक पदार्थ पड्किँदा एक महिलाको दुःखद मृत्यु भएको छ। जिल्ला प्रहरी कार्यालय बाजुराका अनुसार बिहान करिब साढे ७ बजेतिर ५० वर्षीया काली जैशी घाँस काट्नका लागि सुजारी पाताल सामुदायिक वन गएकी थिइन्। वनमा घाँस काटिरहेको अवस्थामा अकस्मात भएको विस्फोटमा परी जैशी गम्भीर घाइते भएकी थिइन्। तत्कालै उपचारका लागि कोल्टी अस्पताल पुर्‍याइए पनि चिकित्सकले उनलाई मृत घोषित गरेका थिए। जिल्ला प्रहरी कार्यालय बाजुराका प्रमुख प्रहरी नायव उपरीक्षक इतहाक हावालीले विस्फोटको कारण अझै खुल्न नसकेको जानकारी दिएका छन्। उनले भने, "घटना कसरी भयो र कुन प्रकारको विस्फोटक पदार्थ थियो भन्ने विषयमा अहिले नै…

दमक। पश्चिमबाट पूर्व तर्फ जादै गरेको प्रदेश १–०२–००१ क ५२१९ नम्बरको टिफरले पैदलयात्री गौरादह ४ निवासी ४८ वर्षीय सिता वर्देवालाई ठक्कर दिएको थियो । ठक्करबाट खुट्टा र टाउकाेमा चाेट लागेकी सिताकाे दमकस्थित निम्स नेशनल हस्पिटलमा उपचार भइरहेकाे छ । ठक्कर दिने टिपरलाई नियन्त्रणमा लिएकाे दमक ट्राफिक प्रहरीले जनाएकाे छ।

संखुवासभा। संखुवासभाको खाँदबारी नगरपालिका–९ तुम्लिङटारमा ससुराको हत्या प्रकरणमा स्तब्ध पार्ने खुलासा भएको छ। ७२ वर्षीय मिनबहादुर कुमालको हत्या आफ्नै बुहारी र नातिनीको योजनामा भएको प्रहरीले जनाएको छ। प्रहरीका अनुसार ४५ वर्षीया बुहारीले आफ्नी १३ वर्षीया छोरीसँग मिलेर हत्या योजना बनाएकी थिइन्। उनले दुई किशोरलाई २० हजार रुपैयाँ सुपारी दिई हत्या गराएको खुलासा भएको हो। घटना वैशाख १३ गते राति करिब १०:३० बजे मिनबहादुर सुतेकै अवस्थामा भएको थियो। प्रहरीको प्रारम्भिक अनुसन्धानमा, योजना बुहारीले तयार पारेर नातिनीमार्फत दुई किशोरलाई सुपारी दिइएको पत्ता लागेको छ। डीएसपी दक्षकुमार बस्नेतको नेतृत्वमा प्रहरी टोलीले सबै अभियुक्तलाई पक्राउ गरिसकेको छ। मोटिभ के थियो? हालसम्मको अनुसन्धानमा हत्या किन…

झापा। धार्मिक तथा पर्यटकीय क्षेत्र दोमुखामा१०८ वटा मानव निर्मित जलधाराहरु निर्माण गरिने भएको छ। दोमुखा धार्मिक तथा पर्यटकीय विकास व्यवस्थापन संस्थाले धार्मिक पर्यटकीय अवधारणा अनुरुप दोमुखालाई विकास र प्रवर्द्धन गर्ने उद्देश्यले बिहीबार पत्रकार सम्मेलन गरि ८५ लाख लागतमा ढुङ्गेधारा निर्माण गरिने समितिका अध्यक्ष धनप्रसाद लावतीले जानकारी दिए। पूर्वी 'नेपालको झापा जिल्ला शिवसताक्षी नगरपालिका वडा नं. १० मा अवस्थित दोमुखा पूर्वकै प्रसिद्ध धार्मिक पर्यटकीय स्थल हो ।कन्काई माई नदीले यो दोमुखालाई अझ प्राकृतिक रुपमा मनोरम बनाएको छ । ढुङ्गा कुँदेर निर्माण गर्न लागिएको १०८ जलधारा निर्माणका लागि सरकारी सहयोगबाहेक जनसहभागिताका आधारमा निर्माण गर्ने लक्ष्य राखिएको छ ।परिवार वा वंशको नाम राख्ने…

झापा। झापाको बिर्तामोडस्थित पताल गंगा बचत तथा ऋण सहकारी संस्थामा करोडौं रकम हिनामिना गरेको आरोप लागेकी रेवती खनाललाई प्रहरीले पक्राउ गरेको छ। प्रहरीका अनुसार खनालले संस्थाका बचतकर्ताहरूको करिब ६ करोड रुपैयाँभन्दा बढी रकम हिनामिना गरेर लामो समयदेखि फरार थिइन्। वित्तीय अनियमितता प्रकरणमा संलग्न भएको आशंकामा अनुसन्धानको घेरामा रहेकी खनाल केही समयदेखि सम्पर्कविहीन थिइन्। झापा प्रहरीले दिएको जानकारीअनुसार गोप्य सूचनाका आधारमा खनाललाई बिर्तामोडबाटै पक्राउ गरिएको हो। हाल उनीमाथि थप अनुसन्धान भइरहेको छ भने सहकारीका पीडित सदस्यहरूले न्यायको माग गरेका छन् । सहकारी संस्थामा व्यापक अनियमितता भएपछि धेरै बचतकर्ताहरूको निक्षेप जोखिममा परेको भन्दै पीडितहरूले सम्बन्धित निकायसँग कडा कदम चाल्न माग गर्दै आएका…

झापा। झापाको गौरादहबाट गोरुको मासुसहित पाँचजना पक्राउ परेका छन् । पक्राउ पर्नेहरुमा गौरादह –१ बस्ने २९ वर्षीय शंकर लिम्बू ,सोही ठाउँ बस्ने ५३ वर्षीय भागीप्रसाद नेम्वाङ, ४५ वर्षीय तिलबहादुर नेम्वाङ, १९ वर्षीय जितबहादुर नेम्वाङ र ३४ वर्षीया सुकमती नेम्वाङ रहेका छन् । गएराति १ बजेतिर गौरादह नगरपालिका-१ क्रसर उद्योग छेउमा बहर काटिसकेर मासु बोरामा हालेर जाँदै गर्दा उनीहरु पक्राउ परेका हुन् ।गोरुको मासु बोरामा हाली लाँदै गरेको अवस्थामा प्रहरीले फेला पारी सोधपुछ गर्दा उनीहरुले गौरादह –१ बेलडाँगी पानीट्याङ्की छेउ बस्ने शंकर लिम्बूको घरमा बहर काटी मासु ल्याएको बताएका थिए । त्यसपछि लिम्बूको घरमा गई हेर्दा निलो प्लाष्टिक ओछ्याई बोरा, डोको…

झापा । झापाको दमकस्थित एक होटलमा एक महिला मृत अवस्थामा फेला परेकी छन्। झापा जिल्लाको शिवसताक्षी नगरपालिका–११, ब्याङडाडा नजिकै घर भएकी अन्दाजी २५ वर्षीया करिष्मा निराैला दमकको ढावा होटलमा मृत फेला परेकी हुन्। प्राप्त जानकारीअनुसार, करिष्मा हिजो दिउँसो करिब १ बजेतिर सो होटलको कोठा नम्बर १७ बुक गरेर बसेकी थिइन्। तर आज बिहान सोही कोठामा उनको शव फेला परेको हो। घटनापछि होटल सञ्चालकले प्रहरीलाई खबर गरेका थिए। इलाका प्रहरी कार्यालय दमकका अनुसार मृतकको शव पोस्टमार्टमका लागि तयारी भइरहेको छ भने घटनाको थप अनुसन्धान र कानुनी प्रक्रिया अघि बढाइएको छ। मृत्युको कारण यथार्थ खुल्न बाँकी रहेको प्रहरीले जनाएको छ।

विराटनगर। निरन्तर वर्षाका कारण विराटनगरस्थित कोशी अस्पतालको परिसर आइतबार बिहानदेखि जलमग्न भएको छ। पानीको उचित निकास व्यवस्था नहुँदा अस्पतालको आँगनमा फोहोर पानी जमेको छ, जसले गर्दा सेवाग्राहीहरू छिचोलेर सेवा लिन बाध्य भएका छन्। बिरामीको उपचारका लागि अस्पताल आएका नागरिकहरू पानीमा डुबेर सेवा लिँदा असहज भएको गुनासो गर्छन्। वर्षा सुरु भएसँगै समस्या दोहोरिँदा समेत समाधानमा ध्यान नपुगेको गुनासो गर्दै स्थानीयहरूले तत्काल समाधानको माग गरेका छन्।

इटहरी। इटहरी २० तरहरामा घरको छतमा पानी हाल्ने क्रममा लडेर एक पुरुषको मृत्यु भएको छ। आइतबार (आज) बिहान करिब ७ः३० बजेतिर पुष्पलाल टोलस्थित निर्माणाधीन घरको छतमा पानी हाल्ने क्रममा लडेर नेपाल प्रहरीका बहालवाला प्रहरी सहायक निरीक्षक (असई)को मृत्यु भएको हो। जिल्ला प्रहरी कार्यालय सुनसरीका अनुसार निर्माणाधीन दुई तले घरमा पानी लगाउने क्रममा चिप्लिएर लड्दा इटहरी २० तरहरा घर भई,धनकुटामा कार्यरत असई प्रेम कटवालको मृत्यु भएको हो । अन्दाजी ४५ वर्षीय कटवाल घरको छद्दीबाट पानी हाल्ने क्रममा लडेका थिए । ‘छतबाट लडेको भन्नेबित्तिकै हामी घटनास्थल गएका थियौँ,’ एक प्रहरीले भने,‘उपचारका लागि लगिएपनि बचाउन सकिएन।’ लडेर उनी क्रंकिट र पानीको नालामा परेका…