समाचार

काठमाडौं,बैशाख ७ गते । गृहमन्त्री सुधन गुरुङले पछिल्लो समय आफ्नो नाम जोडेर भइरहेका आलोचना र आरोपप्रति कडा प्रतिक्रिया जनाएका छन्। सामाजिक सञ्जाल मार्फत सार्वजनिक गरेको नयाँ भनाइमा उनले राष्ट्रको ढुकुटीमा आँखा लगाउनेहरू नै अहिले त्रसित भएको दाबी गरेका छन्। गृहमन्त्री गुरुङले “वर्षौंदेखि जसले राष्ट्रको ढुकुटीमा रगत पसिना साटेको पैसामा आँखा गाडेका छन्, उनीहरू आज डराएका छन्” भन्दै वर्तमान बहस र आलोचनालाई उनीहरूको ‘छटपटी’को रूपमा व्याख्या गरेका छन्। उनले मिडिया ट्रायल र प्रायोजित हल्लालाई वास्तविक मुद्दाबाट ध्यान भटकाउने प्रयासका रूपमा चित्रण गरेका छन्। उनले भ्रष्टाचारविरुद्धको अभियान कुनै हालतमा नरोकिने र नडगमगाउने स्पष्ट पारे। “कारबाही रोकिँदैन, डगमगाइँदैन,” उनले उल्लेख गरेका छन्। साथै,…

काठमाडौं,बैशाख ७ गते । गृहमन्त्री सुधन गुरुङले आफ्नो नाम जोडेर पछिल्ला दिनमा भइरहेका विभिन्न आरोप र चर्चाप्रति स्पष्टिकरण दिएका छन्। सामाजिक सञ्जाल फेसबुक मार्फत सार्वजनिक गरिएको लामो वक्तव्यमा उनले आफूविरुद्ध फैलाइएका हल्ला र वास्तविकताबीच फरक रहेको उल्लेख गर्दै तथ्यका आधारमा मूल्याङ्कन गर्न आग्रह गरेका छन्। “२५ लाखको सेयर लुकाइएको” भन्ने आरोपप्रति प्रतिक्रिया दिँदै मन्त्री गुरुङले आफूले धितोपत्र बजारमा कारोबार हुने सेयरहरू अन्तर्गत २ करोडभन्दा बढी लगानी सम्पत्ति विवरणमै खुलाएको बताएका छन्। उनले स्टार माइक्रो इन्स्योरेन्स र लिबर्टी माइक्रोमा गरिएको लगानी पनि सोही वर्गमा समेटिएको स्पष्ट पारे। “यो लुकाउने विषय होइन, वर्गीकरणको विषय हो,” उनले भने। मन्त्री गुरुङले आफूले सम्पत्ति लुकाएको…

हेटौँडा,बैशाख ७ गते । जेन जी जन–आन्दोलनको मूल मर्म—सुशासन, संस्थागत सुधार तथा भ्रष्टाचारप्रति शून्य सहनशीलताको सिद्धान्तलाई आत्मसात गर्दै जेन जी रिभोलुशन नेपालले हालै सार्वजनिक भएका संवेदनशील समाचारप्रति गम्भीर ध्यानाकर्षण जनाएको छ। विभिन्न सञ्चारमाध्यमहरूमा “गृहमन्त्रीज्यूको बिचौलियाहरूसँगको कनेक्सन” सम्बन्धी प्रकाशित सामग्रीप्रति संगठनले चासो व्यक्त गर्दै यस्ता विषयमा सत्य, तथ्य र प्रमाणमा आधारित निष्पक्ष, पारदर्शी र विश्वसनीय छानबिन अपरिहार्य रहेको बताएको छ। यसै सन्दर्भमा जेनजी रिभोलुशन नेपालका प्रबक्ता राहुल कुमार झाले माननीय गृहमन्त्री सुदन गुरुङलाई सम्बोधन गर्दै सम्बन्धित निकायहरूलाई कुनै पनि प्रकारको दबाब, प्रभाव वा हस्तक्षेपविना स्वतन्त्र र प्रभावकारी रूपमा अनुसन्धान प्रक्रिया अघि बढाउन आवश्यक वातावरण सुनिश्चित गर्न आग्रह गरेका छन्। साथै उनले…

काठमाडौं,वैशाख ७ गते । काठमाडौंको कलंकीस्थित खड्गा गाउँकी ७ वर्षीया बालिका मेरिका पुजारी गम्भीर प्रकारको क्यान्सर—सार्कोमाबाट पीडित भएपछि उनको उपचारका लागि आर्थिक सहयोगको अपील गरिएको छ। करिब एक महिनाअघि मात्र उनलाई यो रोग भएको पुष्टि भएको थियो। हाल मेरिका भक्तपुर क्यान्सर अस्पतालमा उपचाररत रहेकी छन्। चिकित्सकहरूले लामो समयसम्म निरन्तर उपचार आवश्यक पर्ने बताएका छन्, जसका कारण खर्च पनि उच्च हुँदै गएको परिवारले जनाएको छ। बिरामीका बुवा प्रकाश पुजारीका अनुसार अहिलेसम्मको उपचार खर्च परिवारले आफ्नै स्रोतबाट जुटाएको भए पनि अब भने आर्थिक अवस्था कमजोर हुँदै गएको छ। “हामीले सक्दो प्रयास गरेका छौं, तर अब उपचारलाई निरन्तरता दिन सहयोगको खाँचो परेको छ,”…

काठमाडौं,बैशाख ५ गते । गृहमन्त्री सुदन गुरुङले हालै व्यक्त गरेको “प्रदेश संरचना खारेज गरी ‘छोटे राजा’ प्रवृत्ति अन्त्य गर्नुपर्ने” भनाइले राजनीतिक तथा सार्वजनिक वृत्तमा तीव्र बहस सुरु भएको छ। संघीय व्यवस्थाको मूल आधार मानिएको प्रदेश संरचनामाथि उठेको यो प्रश्नले यसको प्रभावकारिता, उद्देश्य र भविष्यबारे गहिरो विमर्श आवश्यक बनाएको छ। एक पक्षका अनुसार, प्रदेश संरचना अपेक्षित रूपमा परिणाममुखी हुन सकेको छैन। सेवा प्रवाहमा ढिलाइ, प्रशासनिक दोहोरोपन, स्रोत–साधनको असमान वितरण र बढ्दो आर्थिक बोझ जस्ता समस्याले यसको कार्यक्षमतामाथि प्रश्न उठाइएका छन्। कतिपय प्रदेशमा नेतृत्व तहमा शक्ति केन्द्रीकरण बढ्दै गएको भन्दै “छोटे राजा” प्रवृत्ति मौलाउँदै गएको आरोप समेत लागिरहेको छ। यसै आधारमा, संरचना…

काठमाडौं,बैशाख ५ गते । काठमाडौँ समावेशी अक्षर र अनुसन्धान संस्था सर्वोदयको आयोजनामा दृष्टिसम्बन्धी अपाङ्गता भएका व्यक्तिहरूका लागि सञ्चालित १० दिने 'अनलाइन कन्टेन्ट क्रिएसन' तालिम भव्य रूपमा सम्पन्न भएको छ। महालक्ष्मी विकास बैंक लिमिटेडको आर्थिक सहयोगमा चैत्र २६ गतेदेखि वैशाख ४ गतेसम्म सञ्चालन भएको यस कार्यक्रममा सहभागीहरूले अडियो एडिटिङ, विज्ञापन निर्माण, युट्युब च्यानल व्यवस्थापन, गुगल डक्स, एक्सेल र डिजिटल कन्टेन्टमार्फत अनलाइन आयआर्जन गर्ने विभिन्न प्राविधिक सीपहरू सिक्ने अवसर पाएका थिए। ​समापन सत्रमा बोल्दै संस्थाका कोषाध्यक्ष सौगात वाग्लेले वि.सं. २०७५ देखि दृष्टिविहीन व्यक्तिहरूको शैक्षिक र प्राविधिक विकासमा क्रियाशील रहेको संस्थाले पछिल्लो समय उद्यमशीलतासँग जोड्न अचार बनाउने, सिलाई बुनाई र कम्प्युटर तालिम जस्ता…

काठमाडौं,बैशाख ५ गते । नेपालमा प्रशोधित पिउने पानी उद्योग गम्भीर आर्थिक दबाबमा परेको छ। ६२० भन्दा बढी उद्योग मार्फत ३० हजारभन्दा बढी व्यक्तिलाई प्रत्यक्ष रोजगारी प्रदान गर्दै आएको र १६ अर्ब रुपैयाँभन्दा बढी लगानी रहेको यो क्षेत्रले हाल कच्चा पदार्थको मूल्य वृद्धि, ढुवानी खर्चमा वृद्धि तथा अन्तर्राष्ट्रिय परिस्थितिको प्रभावका कारण चुनौतीपूर्ण अवस्था सामना गरिरहेको नेपाल पानी उद्योग महासङ्घले जनाएको छ। महासङ्घका अनुसार उद्योगमा प्रयोग हुने बोटल, क्याप, र्यापिङ्ग सामग्री, जार लगायत कच्चा पदार्थहरूको मूल्य ४० प्रतिशतभन्दा बढीले वृद्धि भएको छ। त्यस्तै डिजेल तथा पेट्रोलियम पदार्थको मूल्यवृद्धिका कारण ढुवानी लागत पनि उल्लेखनीय रूपमा बढेको छ। अन्तर्राष्ट्रिय बजारमा देखिएको अस्थिरता, विशेषगरी इरान–इजरायल…

​निजगढ,बैशाख ३ गते । नेत्रहीन क्रिकेट संघ मधेस प्रदेशको आयोजनामा निजगढ-६ स्थित क्रिकेट मैदानमा सञ्चालित दृष्टिविहीन क्रिकेट प्रशिक्षण तथा प्रतियोगितात्मक कार्यक्रमको आज समापन गरिएको छ। वैशाख १ गतेदेखि सुरु भएको उक्त कार्यक्रमको निजगढ नगरपालिकाका नगर प्रमुख सुरथ पुरीको प्रमुख आतिथ्यतामा औपचारिक समापन गरिएको हो। ​समापन समारोहमा नगर उप-प्रमुख सोममाया थिङ्ग, वडा अध्यक्ष बिसन सापकोटा, जिल्ला खेलकुद विकास समितिका अध्यक्ष दिलबहादुर लामा र इलाका प्रहरी कार्यालय निजगढका प्रमुख जीवन लामिछाने लगायतको उपस्थिति थियो। ​संघका अध्यक्ष महेश साहका अनुसार वैशाख ५ देखि ८ गतेसम्म आयोजना हुने प्रदेश स्तरीय प्रतियोगितामा मधेस प्रदेशलाई उपाधि दिलाउने लक्ष्यका साथ यो प्रशिक्षण दिइएको हो। कार्यक्रममा युवा क्लबका…

काठमाडौँ,बैशाख ३ गते । बालेन शाहको निर्वाचन मार्फत भएको उदयले समकालीन दक्षिण एसियाली राजनीतिमा एक नयाँ मोड सिर्जना गरेको छ। विशेष गरी जेन–जेड पुस्ताको सक्रिय सहभागिताबाट प्रेरित यो परिवर्तनले स्वच्छ शासन, पारदर्शिता र कार्यकुशलता प्रति गहिरो जनआकांक्षा झल्काएको छ। परम्परागत राजनीतिक संरचनाप्रतिको असन्तोष यस परिवर्तनको मूल आधार बनेको देखिन्छ। आजको युवा पुस्ताले केवल नेतृत्व परिवर्तन मात्र होइन, शासन प्रणालीकै रूपान्तरणको माग गरिरहेको छ। सामाजिक सञ्जालको प्रभावले आन्दोलनको स्वरूप परिवर्तन गरेको छ भने योग्यता, उत्तरदायित्व र परिणाममुखी शासन यसको केन्द्रमा छन्। तर, यो उत्साहसँगै इतिहासको एउटा महत्वपूर्ण पाठ पनि जोडिएको छ। जय प्रकाश नारायणद्वारा नेतृत्व गरिएको “सम्पूर्ण क्रान्ति” आन्दोलन र त्यसपछिको…

काठमाडौँ,बैशाख ३ गते । सवारी चालक अनुमतिपत्र (लाइसेन्स) प्राप्त गर्ने प्रक्रियामा ठूलो सुधार गरिएको छ। अब ट्रायल परीक्षा उत्तीर्ण गरी राजस्व बुझाएको २४ घण्टाभित्रै सेवाग्राहीले लाइसेन्स प्राप्त गर्न सक्ने व्यवस्था सुरु गरिएको छ। यातायात व्यवस्था विभागले सुरक्षण मुद्रण केन्द्रसँग समन्वय गरी नयाँ प्रणाली लागू गरेको हो। यस प्रणालीअन्तर्गत प्रत्येक दिन साँझ सेवाग्राहीहरूको विवरण (डाटा) संकलन गरी मुद्रण केन्द्रमा पठाइनेछ। त्यसपछि रातभरि लाइसेन्स छपाइ गरी भोलिपल्ट सम्बन्धित कार्यालयमा पठाइने व्यवस्था मिलाइएको विभागले जनाएको छ। यसअघि लाइसेन्स प्राप्त गर्न लामो समय कुर्नुपर्ने बाध्यता थियो। नयाँ व्यवस्थासँगै सेवाग्राहीलाई छिटो र सहज सेवा उपलब्ध हुने अपेक्षा गरिएको छ। त्यसैगरी, लामो समयदेखि थाँती रहेका करिब…