समाचार

काठमाडौं, मंसिर १२ गते । जेन–जी विद्रोहपछिको राजनीतिक परिदृश्यमा सुधारको कुनै सार्थक संकेत नदेखिएको भन्दै ‘जेनजी रिभोलुसन नेपाल’ का संयोजक तथा सह–संयोजकले सरकारलाई अत्यन्त कठोर चेतावनी दिएका छन्। राष्ट्रिय इतिहासमै निर्णायक मोड मानिएको भदौ २४ को विद्रोहपछि पनि शासन प्रणाली, प्रशासनिक चरित्र र राजनीतिक संस्कार जस्ताको तस्तै रहनुलाई उनीहरूले “देशप्रति गर्ने सबैभन्दा ठूलो धोका” को टिप्पणी गरेका छन्। खुला पत्रमार्फत सरकारको कार्यशैलीलाई ‘पाखण्डी र प्रतिक्रियावादी’ भन्दै उनीहरूले लेखेका छन्— “सुधारको नाममा गरिएको ढोंगले सहिदहरूको बलिदान अपमानित भएको छ। राज्यले न्यायलाई अन्धकारमा लुकाएर अपराधीलाई संरक्षण दिइरहेको यो प्रवृत्ति इतिहासले सहैंला छैन।” “कुइरोमा हराएको अन्तरिम सरकार” जनआन्दोलनपश्चात बनेको अन्तरिम सरकारप्रति पनि अभियन्ताहरू…

काठमाडौं, मंसिर ११ गते । प्रधानमन्त्रीको सचिवालयमा हाल देखिएको पारिवारिक नियुक्ति सम्बन्धी विवादले देशभर गम्भीर बहस र चिन्ता उत्पन्न गरेको छ। विशेषगरी प्रधानमन्त्रीका प्रमुख स्वकीय सचिव आदर्श कुमार श्रेष्ठद्वारा आफ्नै श्रीमतीका नातेदारलाई सचिवालयमा नियुक्त गरिएको आरोप सार्वजनिक भएपछि राजनीतिक तथा प्रशासनिक नैतिकताबारे प्रश्न उठेको छ। भैरव समूहका संयोजक दिभेश शाक्य र सामाजिक अभियन्ता विशालराज महतले संयुक्त रुपमा जारी गरेको धारणा अनुसार, सचिवालयजस्तो संवेदनशील संरचनामा हुने कुनै पनि नियुक्ति पूर्ण रूपमा पारदर्शी, निष्पक्ष र मेरिटोक्रेसीमा आधारित हुनुपर्छ। उनीहरूका अनुसार उठेका आरोपले सरकारको नैतिक विश्वसनीयता, संस्थागत मर्यादा र नागरिक भरोसामा प्रत्यक्ष असर पार्न सक्छ। उनले तत्काल, निष्पक्ष र तथ्यगत छानबिनको माग गर्दै भने,…

काठमाडौं, मंसिर १० गते । देश गम्भीर राजनीतिक अनिश्चिततामा फसेको दाबी गर्दै जेन जि पुस्ताका अगुवा रवि किरण हमालले सर्वपक्षीय सरकार गठन र संविधान पुनर्लेखनलाई अहिलेको मुख्य राजनीतिक समाधानका रूपमा अघि सारेका छन्। बीपी चिन्तन प्रतिष्ठानले आयोजना गरेको कार्यक्रममा बोल्दै उनले अहिलेको सत्ता समायोजन “कु प्रकृयाको परिणाम” भएको आरोप लगाए। किरणका अनुसार अस्थिरता, अविश्वास र शासकीय अक्षमता बढ्दै जाँदा युवापुस्ताले भाद्र २३–२४ मा उठाएको विद्रोहलाई सत्ता पक्षले बुझ्ने कि नबुझेर झनै भड्काउने भन्ने प्रश्न अहिले निर्णायक बनेको छ। “विद्रोहलाई कमजोर पार्ने, अपमानजनक तरिकाले लत्याउने कुनै पनि प्रयास युवापुस्ताले सहनेछैन,” उनले चेतावनी दिए। सुशीला कार्की र ओमप्रकाश अर्याल नेतृत्वको समूहले “राज्यविहिनताको…

काठमाडौँ, मंसिर ८ गते । जेन जि मुभमेन्ट नेपालले सुशीला कार्की नेतृत्वको वर्तमान सरकारमाथि गम्भीर आरोपहरू लगाउँदै यसको राजनीतिक तथा संवैधानिक वैधता नै समाप्त भइसकेको दाबी गरेको छ। सोमबार सार्वजनिक गरिएको विस्तृत प्रेस वक्तव्यमार्फत आन्दोलनले सरकारभित्र जालझेल, भ्रष्टाचार र सत्ताको दुरुपयोग “व्यवस्थित रूपमा संस्थागत भइसकेको” आरोप लगाएको हो। वक्तव्यअनुसार ऊर्जामन्त्री कुलमान घिसिङले भारतसँग गरेको विद्युत् सम्झौता देशको हितविपरीत रहेर ४३ करोड रुपैयाँ बराबरको नोक्सानी हुनेगरी अड्कलबाजीपूर्ण रूपमा अघि बढाइएको उल्लेख छ। त्यस्तै, अर्थमन्त्री रामेश्वर खनालमाथि डोल्मा नामक कम्पनीलाई दिएको भनिएको “अवैध कर छुट” मार्फत आर्थिक अनुशासन तोडिएको आरोप राखिएको छ। मुभमेन्टले सरकारका अन्य अंगहरूमा पनि शक्ति दुरुपयोग भएको दाबी गरेको…

मोरङ, मंसिर ७ गते । मोरङको विराटनगरमा एमाले नेता महेश बस्नेत सवार गाडीमा जेन–जि समूहका युवाहरूले रातो मसी प्रहार गरेका छन्। युवा संघ कोशी प्रदेशस्तरीय भेलामा सहभागी हुन सुनसरीतर्फ जाँदै गर्दा एयरपोर्ट सडकखण्डमा लुकेर बसेका युवाहरुले दगुर्दै बस्नेत सवार गाडीमाथि बेलुनमार्फत रातो रंग फ्याँकेका हुन्। प्रहरी भ्यान पछिपछि चलिरहेको क्रममा अचानक सडकछेउबाट युवाहरूले ‘मसी प्रहार’ गरेपछि बस्नेत चढेको गाडी केहीबेर रोकिन बाध्य भएको प्रत्यक्षदर्शीले बताए। घटना पछि प्रहरीले विराटनगर–२ का १९ वर्षीय आर्जित कुँवर र विराटनगर–१ का २५ वर्षीय संजोग गौतमलाई नियन्त्रणमा लिएर जिल्ला प्रहरी कार्यालय मोरङमा राखेको छ। घटना भएपछि समेत दुुवै युवाले बस्नेतविरुद्ध नाराबाजी गरेको भिडियो सामाजिक सञ्जालमा…

झापा, मंसिर ६ गते । गौरादह नगरपालिका–६ आरतीनगरका ५० वर्षीय रामकुमार ताजपुरियाको खोलामा माछा मार्ने क्रममा करेन्ट लागेर मृत्यु भएको छ। जिल्ला प्रहरी कार्यालयका अनुसार गौरादह–६ र गौरीगञ्ज गाउँपालिका–६ को सिमानामा पर्ने रामचन्द्रे खोलामा विद्युत् प्रवाहमार्फत माछा मार्ने प्रयास गर्दा ताजपुरिया अचानक करेन्टको चपेटामा परेका थिए। करेन्ट लागेपछि उनी घटनास्थलमै ढलेका थिए। घटनाबारे उनकी पत्नी फूलकुमारीले स्थानीयबासीलगायत प्रहरीलाई तत्काल खबर गरेकी थिइन्। प्रहरी पुगेपछि घटनास्थलको मुचुल्का उठाई आवश्यक अनुसन्धान थालिएको जनाएको छ।

रौतहट, गौर, मंसिर ६ गते । गौर नगरपालिका–८ बरहवा पुलभन्दा उत्तर हनुमान मन्दिर चोकमा एक बालकको करेन्ट लागेर मृत्यु भएको छ। बिरबहादुर साहको निर्माणाधीन घरको छतमा खेल्ने क्रममा १२ हजार भोल्टको विद्युत् तारको चपेटामा पर्दा बालकको घटनास्थलमै मृत्यु भएको हो। घटनास्थल नजिक गुज्रेको उच्च भोल्टेज लाइनमा बालकले हात छोइएपछि करेन्ट लागेको प्रहरीले बताएको छ। बालक निर्माणधीन भवनको छतमा साथीसँग खेलिरहेका बेला उक्त दुर्घटना भएको स्थानीयले बताएका छन्। प्रहरी र स्थानीयको सहयोगमा बालकलाई उद्धार गर्ने प्रयास गरिए पनि तत्कालै मृत्यु भइसकेको पुष्टि गरिएको छ। घटना सम्बन्धमा थप अनुसन्धान भइरहेको प्रहरीले जनाएको छ।

काठमाडौँ, मंसिर ६ गते । कन्टेन्ट क्रियटर अर्जुन ARK माथि भएको आक्रमणप्रति सामाजिक सञ्जालमा व्यापक विरोध भइरहेको छ। ARK ले तयार पारेको एउटा ‘रोस्ट’ भिडियोका कारण केही व्यक्तिहरू उक्सिएर शारीरिक आक्रमणमा उत्रिएको भन्दै विभिन्न व्यक्तिहरूले असन्तुष्टि व्यक्त गरेका छन्। हिमेश पन्तले सामाजिक सञ्जालमार्फत प्रतिक्रिया दिंदै आक्रमणलाई अभिव्यक्ति स्वतन्त्रतामाथिको खुला चुनौती बताएका छन्। उनले हास्य सहन नसक्ने, तर्क बुझ्न नसक्ने र नेताको पक्षमा अन्धविश्वासपूर्ण रुपमा लाग्ने समूहकै कारण देश बिग्रिएको टिप्पणी गरेका छन्। उनले सरकारलाई जनताको सुरक्षामा ध्यान दिन र ‘मासुभाते गुन्डा’ भन्दै उल्लेख गरिएका आक्रमणकारीहरूमाथि कडा कारबाही गर्न माग गरेका छन्। "हिजो ARK लाई कुटे, आज कसैको मिमले पोल्यो भने?…