समाचार

बर्दिया। बर्दियाको गुलरिया नगरपालिका-५, बालापुरमा चितुवाको आक्रमणबाट ६ वर्षीया बालिका सायरा थारुको मृत्यु भएको छ। बुधबार बिहान घरको शौचालय गएकी उनलाई चितुवाले आक्रमण गरेको थियो। बालिकाको शव बर्दिया अस्पताल गुलरियामा राखिएको छ। यस घटनापछि चितुवा नियन्त्रणको माग गर्दै स्थानीयवासीले जिल्ला प्रशासन कार्यालय बर्दिया अगाडि धर्नासहित चक्काजाम गरेका थिए। जिल्लास्थित सुरक्षा समितिमा चितुवा समात्ने सहमति भएपछि आन्दोलन स्थगित भएको छ, तर माग पूरा नभए पुनः आन्दोलन गर्ने स्थानीयले चेतावनी दिएका छन्। यसैबीच, स्याङ्जाको वालिङ नगरपालिका-११, तल्लो पेखुमा पनि चितुवाको आक्रमणबाट ४५ वर्षीय मुक्तबहादुर थापा घाइते भएका छन्। मंगलबार बिहान घर नजिकैको कुखुराको खोरमा पसेको चितुवा धपाउन गएका उनलाई चितुवाले आक्रमण गरेको…

विराटनगर। विराटनगरमा दुर्लभ मानिने ‘स्पिटिङ कोब्रा’ प्रजातिको सर्प फेला परेको छ।विराटनगर महानगरपालिका–४, नोबेल अस्पताल पछाडि रहेको डा. सुनील शर्माको निवासमा उक्त सर्प देखिएपछि उद्धार टोली बोलाइएको थियो। उद्धारका क्रममा सर्पले परैबाट विष फाल्दा उद्धारकर्ता शम्भु घिमिरे घाइते भएका छन्। चिकित्सकहरूका अनुसार स्पिटिङ कोब्राको विष आँखामा परे गम्भीर असर पुग्न सक्छ, जसले दृष्टिमा समेत हानि पुर्‍याउन सक्ने खतरा हुन्छ। यसैबीच, विराटनगर महानगरपालिकाको स्वास्थ्य महाशाखाले अन्य स्थानमा पनि यस्ता सर्प देखिएमा तत्काल जानकारी दिन अनुरोध गरेको छ।

काठमाडौं। लैङ्गिक तथा यौनिक अल्पसङ्ख्यक समुदायलाई लक्षित गरी समावेशी स्वास्थ्य सेवा सुनिश्चित गर्ने उद्देश्यले ‘मायाको पहिचान नेपाल’ र ‘एक एक पाइला सामुदायिक स्वास्थ्य केन्द्र’ बीच सहकार्य सुरु भएको छ। सहकार्य अन्तर्गत समुदायका सदस्यहरूलाई एचआइभी परीक्षण, यौन रोगहरूको उपचार, मानसिक स्वास्थ्य परामर्श लगायतका स्वास्थ्य सेवा सहज रूपमा उपलब्ध हुनेछन्। यस सहकार्यसँगै समुदायका सदस्यहरूले आफूलाई अस्वीकार, लज्जा वा अपमानको डर बिना सुलभ स्वास्थ्य सेवा लिन सक्ने वातावरण तयार पारिने अपेक्षा गरिएको छ। स्वास्थ्य सेवामा पहुँच सुनिश्चित गर्न र सेवा प्रदायक संस्थालाई समुदायमैत्री बनाउने दीर्घकालीन लक्ष्य लिइएको मायाको पहिचान नेपालले जनाएको छ। यस अभियानको थालनीसँगै एक एक पाइला स्वास्थ्य केन्द्रका स्वास्थ्यकर्मीहरूलाई अभिमुखीकरण तालिम…

काठमाडौं । नेकपा एमाले निकट राष्ट्रिय युवा संघ नेपालको अध्यक्षमा क्षितिज थेबे दोस्रो कार्यकालका लागि निर्वाचित भएका छन् । पोखरामा सम्पन्न संघको पाँचौं महाधिवेशन अन्तर्गत भएको निर्वाचनमा थेबेले आफ्ना प्रतिद्वन्द्वी सुमन पुरीलाई १८८ मतान्तरले पराजित गरेका हुन् । निर्वाचनमा कुल १,७६४ मतदातामध्ये १,४०४ मत खसेको थियो । थेबेले ७९७ मत प्राप्त गर्दा पुरीले ६०८ मत ल्याएका थिए । पुरी यसअघि संघको आठौं महाधिवेशनबाट उपाध्यक्ष र नवौं महाधिवेशनबाट महासचिव बनेका थिए । विद्युतीय मतदान प्रणाली प्रयोग भएकाले परिणाम छिट्टै सार्वजनिक भएको थियो। युवा संघका इन्चार्ज राजीव पहारीका अनुसार अध्यक्षसहित पदाधिकारी र केन्द्रीय समितिका अधिकांश पदमा थेबेको प्यानल विजयी भएको छ ।…

इटहरी। इटहरी उपमहानगरपालिका–१२ स्थित खनारमा रहेको तिरुपति प्लाइउड फ्याक्ट्रीमा बुधवार राति भीषण आगलागी भएको छ। राति करिब २ बजेदेखि सुरु भएको आगो अहिलेसम्म पूर्ण रूपमा नियन्त्रणमा आउन सकेको छैन।आगलागी नियन्त्रणका लागि इटहरी, धरान, विराटनगर, बेलबारी, कानेपोखरी लगायत आसपासका १० भन्दा बढी स्थानीय तहबाट दमकलको सहयोग लिइएको छ। दमकल टोलीहरू नेपाली सेना, सशस्त्र प्रहरी र नेपाल प्रहरीको सहकार्यमा घटनास्थलमा खटिएका छन्। फ्याक्ट्रीमा रहेको काठ, प्लाइउड र कच्चा पदार्थ अत्यधिक ज्वलनशील भएका कारण आगो फैलनुका साथै नियन्त्रणमा कठिनाइ भएको बताइएको छ। प्रारम्भिक अनुमानअनुसार ठूलो मात्रामा आर्थिक क्षति भएको छ, यद्यपि क्षतिको यकिन विवरण आउन बाँकी छ।स्थानीय बासिन्दाहरू पनि आगो नियन्त्रणमा स्वयंसेवकका रूपमा…

सुनसरी। सुनसरीमा ट्याक्टरको ठक्करबाट मोटरसाइकलमा सवार दुई युवाको ज्यान गएको छ। सोमबार सुनसरीको भोक्राहा नरसिंह गाउँपालिका–३ स्थित फूलचोकमा ट्याक्टर र मोटरसाइकल आपसमा ठोक्किँदा उक्त घटना भएको हो। प्रदेश १–०२–००३ त ९०२ नम्बरको ट्याक्टरले प्रदेश १–०२–०५५ प ६२९६ नम्बरको मोटरसाइकललाई ठक्कर दिँदा मोटरसाइकलमा सवार इनरुवा नगरपालिका–१० का २० वर्षीय सर्फराज अन्सारी र हरिनगर गाउँपालिका–१ का २१ वर्षीय महजित अन्सारीको ज्यान गएको जिल्ला प्रहरी कार्यालय सुनसरीले जनाएको छ। गम्भीर घाइते भएका दुबैलाई तत्काल उपचारका लागि सप्तकोशी न्यूरो अस्पताल, सुनसरी लगिएको थियो तर उपचारको क्रममा दुबैको मृत्यु भएको हो। दुर्घटनामा इनरुवा १० जाल्पापुरका साहेब अन्सारी पनि घाइते भएका छन्। हाल घाइतेको अवस्था र…

मोरङ। सुनसरीको इटहरी १२ खनार स्थित रहेको तिरुपति प्लाई फ्याक्ट्रीमा भीषण आगलागी भएको छ। आगलागि बुधवार विहान करिब २:०० बजेदेखि लागेको हो । तत्काल आगो नियन्त्रणका लागि झापा, मोरङ र सुनसरीको दमकल , नगर प्रहरी, सशस्त्र प्रहरी, जनपद प्रहरी र स्थानीयद्वारा आगो नियन्त्रण गर्ने प्रयास भइरहेको छ। आगलागीबाट क्षतिको आकलन गर्न अझै बाँकी रहेको छ।

मोरङ। उर्लाबारी नगरपालिका–५ मा शनिदेव मन्दिरको शिलान्यास गरिएको छ। कोशी प्रदेशसभा सदस्य तथा नेपाली कांग्रेस कोशी प्रदेश संसदीय दलकी सचेतक शोभा चेम्जोङ पालुङ्वाले मंगलबार एक समारोहका बीच मन्दिरको शिलान्यास गरेका थिए। कार्यक्रममा बोल्दै प्रमुख अतिथि चेम्जोङले धार्मिक तथा सांस्कृतिक सम्पदाको संरक्षण र प्रवर्द्धन आवश्यक रहेको उल्लेख गर्दै मन्दिर निर्माणले समुदायमा आध्यात्मिक चेतनाको अभिवृद्धि गर्ने विश्वास व्यक्त गरेका थिए। शिलान्यास कार्यक्रममा वडाध्यक्ष रविन लामा, सामाजिक व्यक्तित्व ललित अधिकारी, माओवादी केन्द्र उर्लाबारी अध्यक्ष गजेन्द्र दंगाल, जसपा उर्लाबारी अध्यक्ष मात्रिका धिमाललगायतले शनिदेव मन्दिरको आवश्यकता र यसको महत्व माथि जोड दिएका थिए। वक्ताहरूले मन्दिर निर्माणले उर्लाबारीमा धार्मिक पर्यटन प्रवर्द्धनमा योगदान पुर्‍याउने विश्वास व्यक्त गरे।…