Breaking News 2

हेटौंडा,जेठ १४ गते। नेपाल प्रहरी सेवामा करिब ३० वर्ष योगदान पुर्‍याई अनिवार्य अवकाश प्राप्त गर्न लागेका पूर्व प्राविधिक प्रहरी वरिष्ठ नायव निरीक्षक ऋषिराज निरौलालाई सम्मानसहित बिदाई गरिएको छ । बिदाई कार्यक्रममा यस कार्यालयका निमित्त कार्यालय प्रमुख प्रहरी नायव उपरीक्षक माधव प्रसाद काफ्लेले फुलको गुच्छा, खादा तथा कदरपत्र प्रदान गर्दै निरौलाले प्रहरी संगठनमा इमान्दार, कर्तव्यनिष्ठ र अनुशासित भएर पुर्‍याएको योगदानको प्रशंसा गरेका थिए । कार्यक्रममा बोल्दै कार्यालय प्रमुख काफ्लेले लामो समयसम्म संगठनप्रति समर्पित भएर सेवा गर्नु आफैंमा उदाहरणीय कार्य भएको उल्लेख गर्दै अवकाशपछिको जीवन सुखमय, स्वस्थ र सफल रहोस् भन्ने शुभकामना व्यक्त गरेका थिए । नेपाल प्रहरी सेवामा प्रहरी जवान पदबाट…

हेटौंडा,जेठ १४ गते। हेटौंडा उपमहानगरपालिका–४ भुटनदेवी मोडस्थित शेर बहादुर पहरीले सञ्चालन गरेको रोयल पार्टी प्यालेसमा आज आगलागी हुँदा करिब २० लाख रुपैयाँ बराबरको क्षति भएको छ । प्रहरीका अनुसार आज दिउँसो अन्दाजी १२ः२५ बजे सभा हलको स्टेजमा विद्युत् सर्ट भई आगलागी भएको हो । आगलागी भएको खबर प्राप्त हुना साथ वडा प्रहरी कार्यालय सानो पोखराबाट २ जना तथा जिल्ला प्रहरी कार्यालय मकवानपुरबाट प्रहरी सहायक निरीक्षकको कमाण्डमा ५ जना प्रहरी टोली घटनास्थलमा खटिएको थियो । स्थानीयवासी तथा हेटौंडा उपमहानगरपालिकाको दमकलको सहयोगमा आगो करिब २० मिनेटपछि अर्थात् १२ः४५ बजे पूर्ण रूपमा नियन्त्रणमा आएको प्रहरीले जनाएको छ । आगलागीबाट सभा हलको स्टेजमा रहेको…

हेटौंडा,जेठ १३ गते। हेटौंडा उपमहानगरपालिका–१५ र १७ नम्बर वडामा सञ्चालन गरिएको गृहिणी महिला सशक्तीकरण कार्यक्रम अन्तर्गत उद्यमशीलता प्रवर्द्धन, पशुपालन तथा कृषि व्यवसाय सम्बन्धी तालिम सम्पन्न भएको छ । कार्यक्रममा हेटौंडा उपमहानगरपालिकाका नगर प्रमुख मीनाकुमारी लामा साथै उपमहानगरपालिकाका निमित्त प्रमुख प्रशासकीय अधिकृत विष्णु कुमारी लामिछाने सहभागी भएका थिए । दिगो आयआर्जनलाई लक्षित गर्दै सञ्चालन गरिएको तालिमले महिलाहरूलाई कृषि तथा पशुपालन व्यवसायतर्फ प्रेरित गर्ने उद्देश्य राखिएको आयोजकले जनाएको छ । तालिममा सहभागी महिलाहरूले विशेषगरी बाख्रापालन सम्बन्धी व्यावहारिक तथा व्यवसायिक जानकारी लिएका थिए । कार्यक्रममार्फत महिलाहरूलाई आत्मनिर्भर बनाउने, सीप विकास गर्ने तथा स्वरोजगारका अवसर सिर्जना गर्ने लक्ष्य राखिएको थियो । सामाजिक विकास कार्यालय…

हेटौंडा,जेठ १३ गते। युवालाई स्वदेशमै रोजगारी तथा स्वरोजगारको अवसर सिर्जना गर्ने उद्देश्यसहित हेटौंडा उपमहानगरपालिकाको आर्थिक सहयोगमा सञ्चालन गरिएको निःशुल्क बारिस्टा तालिम सम्पन्न भएको छ। बागमती एजुकेशन कन्सल्टेन्सी प्रा.लि.द्वारा सञ्चालन गरिएको उक्त तालिमको समापन कार्यक्रममा हेटौंडा उपमहानगरपालिकाकी नगर प्रमुख मीना कुमारी लामा सहभागी भएकी थिइन्। कार्यक्रममा नगर प्रमुख लामाले युवाहरूलाई विदेशिने बाध्यता कम गर्दै देशभित्रै सीप, व्यवसाय र रोजगारी सिर्जना गर्न यस्ता तालिम प्रभावकारी हुने बताए। उनले उपमहानगरले विभिन्न सहकार्यकारी संस्थासँग मिलेर युवाकेन्द्रित सीपमूलक तालिम सञ्चालन गर्दै आएको उल्लेख गर्दै आगामी दिनमा पनि स्वरोजगार प्रवर्द्धन गर्ने कार्यक्रमलाई निरन्तरता दिइने जानकारी दिए। तालिममा सहभागी युवाहरूले कफी बनाउने विधि, ग्राहक सेवा, क्याफे सञ्चालन…

बस्तिपुर,जेठ १३ गते। बस्तिपुर जेसिज मनहरीले नेपाल जेसिजका निरुपित राष्ट्रिय उपाध्यक्ष जेसि खगेन्द्र भण्डारीलाई स्वागत तथा सम्मान गरेको छ । शाखा भ्रमणका क्रममा मनहरी आइपुगेका भण्डारीलाई भेटघाट तथा स्वागत कार्यक्रम मार्फत सम्मान गरिएको हो । हेटौंडा–४ स्थित बाइपास रोडको कफी बारमा आयोजित कार्यक्रममा शाखाका पदाधिकारी तथा सदस्यहरूले शाखासँग सम्बन्धित समस्या, चुनौती तथा जिज्ञासाहरू राखेका थिए । सहभागीहरूले संगठन सुदृढीकरण, सदस्यता विस्तार, नेतृत्व विकास तथा आगामी कार्यक्रम सञ्चालनका विषयमा आफ्ना धारणा प्रस्तुत गरेका थिए । कार्यक्रममा निरुपित राष्ट्रिय उपाध्यक्ष जेसि खगेन्द्र भण्डारीले शाखाबाट उठाइएका समस्या तथा जिज्ञासाको जवाफ दिँदै समाधानका सम्भावित उपायहरूबारे सुझाव दिएका थिए । उनले शाखा र नेपाल जेसिजबीच…