राजनीति

हेटौडा, पुस ३० गते । नेपाल कम्युनिस्ट पार्टी (माओवादी)द्वारा सञ्चालन गरिएको समाजवादी युवा जागरण अभियान हेटौंडामा आयोजित जागरण सभासँगै सम्पन्न भएको छ। पश्चिम कञ्चनपुरबाट पुष २० गते सुरु भएको अभियान विभिन्न जिल्लामा कार्यक्रम सञ्चालन गर्दै बागमती प्रदेशको राजधानी हेटौंडामा आएर समापन गरिएको हो। पत्रकार सम्मेलनमा नेकपा माओवादीका केन्द्रीय सदस्य तथा जिल्ला इन्चार्ज राम सीले सर्वपक्षीय अन्तरिम सरकार गठनलगायत १३ बुँदे मागसहित अभियान सुरु गरिएको जानकारी दिए। अभियानका संयोजक तथा केन्द्रीय सदस्य प्रेम सीले कञ्चनपुरदेखि हेटौंडासम्म ४४ वटा विभिन्न कार्यक्रम आयोजना गरिएको बताए। केन्द्रीय सदस्य तथा जिल्ला इन्चार्ज राम सीले हिजो हेटौंडा–१९ बस्तीपुरमा जनजागरण अभियान टोलीलाई स्वागत गरिएको उल्लेख गर्दै देश…

हेटौडा, पुस २४ गते । बागमती प्रदेश सरकारको क्याबिनेट बैठक आज सम्पन्न भएको छ। बैठकले स्वास्थ्य तथा सहकारी क्षेत्रसँग सम्बन्धित तीनवटा महत्वपूर्ण निर्णयहरू पारित गरेको छ। स्वास्थ्य मन्त्रालयको प्रस्तावअनुसार प्रदेश जनस्वास्थ्य प्रयोगशाला कार्यालय काभ्रेबाट भक्तपुरमा स्थानान्तरण गर्ने निर्णय गरिएको छ। यस निर्णयले प्रयोगशाला सेवाको पहुँच र व्यवस्थापनलाई अझ प्रभावकारी बनाउने अपेक्षा गरिएको छ। त्यसैगरी, स्वास्थ्य मन्त्रालयकै अर्को प्रस्तावमा ‘एक विद्यालय एक नर्स कार्यक्रम सञ्चालनसम्बन्धी तेस्रो संशोधन कार्यविधि’ संशोधन पारित गरिएको छ। उक्त संशोधनले विद्यालयस्तरमा विद्यार्थीहरूको स्वास्थ्य सेवालाई थप व्यवस्थित र प्रभावकारी बनाउने विश्वास गरिएको छ। यस्तै, सहकारी तथा गरिबी निवारण मन्त्रालयको प्रस्तावमा समस्याग्रस्त सहकारी व्यवस्थापन समितिको अध्यक्ष तथा सदस्यहरूको मनोनयन…

हेटौडा, पुस २३ गते । नेपाल कम्युनिस्ट पार्टी (माओवादी ) मकवानपुर जिल्ला समितिले आसन्न प्रतिनिधिसभा निर्वाचन २०८२ फागुन २१ गतेका लागि प्रत्यक्षतर्फका उम्मेदवारहरूको नाम सिफारिस गरेको छ। पार्टीको जिल्ला सचिवालय बैठकको निर्णयअनुसार मकवानपुर जिल्लाका क्षेत्र नम्बर १ र क्षेत्र नम्बर २ का लागि प्रत्यक्षतर्फ उम्मेदवारी दिने नेताहरूको नामावली सार्वजनिक गरिएको हो। जिल्ला समितिका अनुसार क्षेत्र नम्बर १ बाट प्रत्यक्षतर्फ प्रस्तावित उम्मेदवारहरूमा महेश नेपाली (आरोह), राम स्याङतान (अल्टर), बिर माया दोङ तथा साजन योन्जन रहेका छन्। त्यसैगरी, क्षेत्र नम्बर २ बाट प्रत्यक्षतर्फ प्रस्तावित उम्मेदवारहरूमा राम घलान (वाटर), सूर्य बहादुर (अर्जेल), विवेक घलान ‘सुभाष’ (जेन जि), सूर्य बहादुर गोले (जिन जि) तथा…

हेटौंडा, पुस १९ गते । हेटौंडा उपमहानगरपालिका वडा नम्बर ४ का वडाध्यक्ष तथा नेकपा एमालेका नेता एवं केन्द्रीय लेखा आयोगका सदस्य नवीन सिग्देलले प्रतिनिधिसभा निर्वाचनका लागि पार्टीबाट सिफारिसमा परेका सबै नेता–कार्यकर्तालाई बधाई तथा शुभकामना व्यक्त गरेको छ। आफ्नो सामाजिक सञ्जालमार्फत् स्टाटस सार्वजनिक गर्दै नेता सिग्देलले देशभर नेकपा एमालेका तर्फबाट सर्वसम्मत तथा दुई वा दुईभन्दा बढी नाम सिफारिसमा परेका सबैलाई सफलताको कामना गरिएको हो। उनले प्रतिनिधिसभा सदस्य बन्ने प्रक्रियामा मातहत कमिटीको सिफारिस, पार्टीबाट टिकट प्राप्त गर्ने र आम निर्वाचनमा विजय हासिल गर्ने चरणलाई जिम्मेवारीपूर्वक लिनुपर्नेमा जोड दिए। नेता सिग्देलले उम्मेदवार तथा आकांक्षीहरूलाई आत्मकेन्द्रित सोचभन्दा माथि उठेर आत्मसमिक्षा गर्न आग्रह गर्दै सम्भावित…

हेटौंडा, पुस १५ गते । आगामी निर्वाचन २०८२ लाई लक्षित गर्दै नेपाल कम्युनिस्ट पार्टी (माओवादी) मकवानपुरका केन्द्रीय सदस्य तथा जिल्ला इन्चार्ज राम ‘सी’ले कम्युनिस्ट, बामपन्थी र देशभक्त शक्तिहरूबीच सहकार्य, एकता र ध्रुवीकरण अपरिहार्य भएको बताएका छन्। सामाजिक सञ्जालमा सार्वजनिक गरिएको स्टाटसमार्फत उनले समय र परिस्थितिले राजनीतिक दलहरूमाथि दबाब सिर्जना गरिरहेको उल्लेख गर्दै विचार र व्यवहार मिल्ने पार्टी तथा व्यक्तिहरू दीर्घकालसम्म अलग–अलग रहन नसक्ने दाबी गरेका छन्। उनका अनुसार नेपाली राजनीतिमा नयाँ–नयाँ समीकरण, एकता र ध्रुवीकरणको प्रक्रिया तीव्र बन्दै गएको छ। राम ‘सी’ले आफूलाई ‘नयाँ’ भनेर प्रस्तुत गर्ने केही राजनीतिक पात्रहरूलाई ठगी, देशद्रोह र विदेशी एजेन्डासँग जोड्दै कडा आलोचना गरेका छन्।…

हेटौंडा,पुस १४ गते । नेपाल कम्युनिस्ट पार्टी (माओवादी) जिल्ला समिति मकवानपुरले आसन्न प्रतिनिधिसभा सदस्य निर्वाचनका लागि समानुपातिक उम्मेदवारको नाम सिफारिस गरेको छ। पार्टीको मकवानपुर जिल्ला सचिवालय बैठकको निर्णयअनुसार २०८२ फागुन २१ गते हुने निर्वाचनका लागि विभिन्न समावेशी समूहबाट चार जनाको नाम सिफारिस गरिएको हो। सिफारिस सूचीअनुसार आदिवासी जनजाति समूहबाट डिलबहादुर थिङ (पेमा), महिलातर्फ सुशीला स्याङतान (ज्योति), खस–आर्य समूहबाट मोहन भट्टराई (भट्ट) र दलित समूहबाट रमेश सुनाम (नर ब) लाई समानुपातिक उम्मेदवारका रूपमा अघि सारिएको छ। पार्टीले समावेशी प्रतिनिधित्वलाई प्राथमिकता दिँदै विभिन्न समुदायको प्रतिनिधित्व सुनिश्चित हुने गरी नाम सिफारिस गरिएको जनाएको छ। उम्मेदवारको अन्तिम टुंगो भने पार्टीको केन्द्रीय नेतृत्वबाट लगाइने बताइएको…

हेटौंडा,पुस १३ गते । हेटौंडा उपमहानगरपालिका–४ का वडाध्यक्ष तथा नेकपा एमालेका नेता एवं केन्द्रीय लेखा आयोगका सदस्य नवीन सिग्देलले आफूलाई स्वतन्त्र बताउँदै दलहरूलाई गाली गर्दै आएका समूहहरू अन्ततः दल नै बनाएर राजनीतिमा सक्रिय हुन खोज्नु लोकतन्त्र र दल प्रणालीको जीत भएको बताएका छन्। सामाजिक सञ्जालमार्फत प्रतिक्रिया दिँदै सिग्देलले “स्वतन्त्र भनेर दलहरूलाई गाली गर्दै हुँकार गर्नेहरू दल बनाएर जुट्न खोज्नु लोकतन्त्र र दलहरूको जीत हो” भन्दै टिप्पणी गरेका छन्। उनले राजनीतिक अभ्यासमा नयाँ देखिनेहरूबारे व्यङ्ग्य गर्दै “नयाँ जोगीले धेरै खरानी घस्छ” भन्ने उखान प्रयोग गरेका छन्। उनको स्टाटसमा अहिले “खरानीको कमी नरहेको” उल्लेख गर्दै सिंहदरबार, सर्वोच्च अदालतलगायत राज्यका विभिन्न संवैधानिक निकायसम्म…