राजनीति

हेटौंडा, अशोज २ गते । जनमत पार्टीका वरिष्ठ उपाध्यक्ष अब्दुल खानसहित ६ जना नेताले सामूहिक राजीनामा दिएका छन्। नेपालको विपन्न परिस्थितिलाई मध्यनजर गर्दै पार्टीभित्र आत्मआलोचना तथा नेतृत्व परिवर्तनको आवश्यकता रहेको भन्दै उनीहरूले राजीनामा पत्र पेस गरेका हुन्। पत्रमा उल्लेख भएअनुसार हालको नेतृत्वले जनमतलाई अपमानित मात्र नभई आफ्ना अभिव्यक्तिहरूमा गैरजिम्मेवार र आपत्तिजनक टिप्पणी सार्वजनिक गरेको आरोप लगाइएको छ। सोही कारण पार्टीभित्र नयाँ पुस्ताको चाहना र जनआकांक्षा अनुरूपको नेतृत्व आवश्यक भएको भन्दै उनीहरूले साधारण सदस्यतासमेत नराख्ने गरी राजीनामा दिएका हुन्। राजीनामा दिने नेताहरूमा — १) अब्दुल खान, वरिष्ठ उपाध्यक्ष २) डा. शरद सिंह यादव, केन्द्रीय प्रवक्ता ३) संजय कुमार यादव, केन्द्रीय संयोजक,…

काठमाडौं, भदौ २९ गते । प्रधानमन्त्री सुशीला कार्कीको नेतृत्वमा बन्न लागेको मन्त्रिपरिषद्मा तीन मन्त्रीको नाम टुंगो लागेको छ। अर्थमन्त्रीमा रामेश्वर खनाल, गृह मन्त्रीमा कानुन व्यवसायी ओम प्रकाश अर्याल र ऊर्जा मन्त्रीमा नेपाल विद्युत प्राधिकरणका निवर्तमान कार्यकारी निर्देशक कुलमान घिसिङलाई जिम्मेवारी दिने निर्णय भएको छ। प्रधानमन्त्री कार्यालयका अनुसार नवनियुक्त मन्त्रीहरूले भोलि शपथग्रहण गर्नेछन्। कानुन व्यवसायी अर्यालले गृह मन्त्रालयसँगै कानुन मन्त्रालयको जिम्मेवारी समेत सम्हाल्ने भएका छन् भने घिसिङलाई ऊर्जा मन्त्रालयसँगै भौतिक पूर्वाधार तथा यातायात र सहरी विकास मन्त्रालयको जिम्मा दिने तयारी भएको छ। हालै मात्र आर्थिक सुधार आयोगको प्रतिवेदन सरकारलाई बुझाएका खनाल आर्थिक सुधारका खाका कार्यान्वयनमा सक्रिय हुने अपेक्षा गरिएको छ। कानुनी…

काठमाडौं, भदौ २९ गते । अन्तरिम सरकारकी प्रधानमन्त्री सुशीला कार्कीले जेन-जी आन्दोलनमा ज्यान गुमाउने, घाइते हुने तथा अपाङ्गता भोग्नुपरेका परिवार र व्यक्तिहरूका लागि पाँच महत्वपूर्ण निर्णय सार्वजनिक गरेकी छन्। प्रधानमन्त्री कार्कीले आन्दोलनका क्रममा ज्यान गुमाउनेहरुलाई सहिद घोषणा गर्ने निर्णय गर्दै, मृतकका परिवारलाई १० लाख रुपैयाँ क्षतिपूर्ति दिने घोषणा गरेकी छिन्। यस्तै, आन्दोलनमा घाइते भएकाहरूको उपचार खर्च सरकारले बेहोर्ने व्यवस्था गरिएको छ। सरकारले मृतकको शव लैजाने र अन्त्येष्टिको सम्पूर्ण खर्च व्यहोर्ने निर्णय गरेको छ भने आन्दोलनकै कारण अपाङ्गता भएका व्यक्तिलाई विशेष सुविधा उपलब्ध गराउने घोषणा गरिएको छ। प्रधानमन्त्री कार्कीका यी निर्णयले जेन-जी आन्दोलनमा प्रभावित परिवारहरूलाई राहत दिलाउने अपेक्षा गरिएको छ।

काठमाडौं, भदौ २९ गते । राष्ट्रिय स्वतन्त्र पार्टीकी नेतृ सुमना श्रेष्ठले पार्टी परित्याग गरेकी छिन् । पार्टीभित्र आलोचना स्विकार्ने संस्कार नभएको, गल्तिमाथि गल्ति गर्ने प्रवृत्ति बढ्दै गएको र आलोचकलाई मिडिया ट्रायलमार्फत कमजोर पार्ने काम भइरहेका कारण आफूले पार्टी छोड्ने निर्णय गरेको उनले सार्वजनिक गरेकी हुन् । श्रेष्ठले भनिन्, “जहिलेदेखि राष्ट्रिय स्वतन्त्र पार्टीले देशभन्दा माथि पार्टी र पार्टीभन्दा माथि नेतालाई राख्न थालेको हो, त्यतिबेलादेखि नै आलोचना गर्दै आएकी हुँ । तर त्यसले कत्ति पनि फरक पारेन, उल्टै आलोचकलाई मिडिया ट्रायलमा उभ्याउने कार्य भयो । यो स्विकार्य छैन । त्यसैले मैले पार्टी छोडेँ ।” उनले कांग्रेस, एमाले लगायतका पुराना पार्टीका तेस्रो पुस्ताका…

काठमाडौं, भदौ २८ गते । जनता समाजवादी पार्टी (जसपा) नेपालका अध्यक्ष तथा पूर्व उपप्रधानमन्त्री उपेन्द्र यादवले मुलुकको विषम परिस्थितिमा आवश्यकताको सिद्धान्त (Doctrine of necessity) का आधारमा प्रधानमन्त्री पदमा नियुक्त भएकी सुशिला कार्कीलाई हार्दिक बधाई तथा सफल कार्यकालको शुभकामना दिएका छन्। सामाजिक सञ्जालमार्फत शुभकामना व्यक्त गर्दै यादवले संघीयता, लोकतन्त्र र गणतन्त्र लगायतका उपलब्धिहरूको रक्षा गर्नुका साथै संविधानवाद र विधिको शासन कायम गर्न प्रधानमन्त्री कार्कीको भूमिका अत्यन्त महत्वपूर्ण हुने बताएका छन्। उनले आर्थिक, सामाजिक र राजनीतिक रूपमा बहिष्करणमा परेका सीमान्तकृत समुदायहरूले अब न्याय पाउने आशा व्यक्त गर्दै मुलुकमा व्याप्त अराजकता, भ्रष्टाचार र अव्यवस्था अन्त्य गरी सुशासन कायम गर्ने अपेक्षा जनाएका छन्। यादवले…

धनगढी, भदौ २८ गते । धनगढी उपमहानगरपालिकाका मेयर गोपाल हमालले अन्तरिम सरकारकी प्रधानमन्त्री सुशीला कार्कीलाई बधाई दिँदै सफल कार्यकालको शुभकामना व्यक्त गरेका छन्। उनले नयाँ सरकारसमक्ष पहिलो प्राथमिकताका रूपमा भ्रष्टाचार अन्त्य गर्नुपर्नेमा जोड दिएका छन्। हमालले जेनजी आन्दोलनको मुख्य माग नै भ्रष्टाचार विरुद्धको लडाइँ रहेको उल्लेख गर्दै प्रधानमन्त्रीलाई एक साताभित्र ठूला भ्रष्टाचारीहरूको सम्पत्ति राष्ट्रियकरण गरी उनीहरूलाई जेल हाल्न माग गरेका छन्। उनका अनुसार देशको रूपान्तरण र सुशासनको आधार नै शुद्ध र जवाफदेही राजनीतिक प्रणाली निर्माणमा रहन्छ। उनले थपे, “जनताले परिवर्तनको लागि बलिदान दिएका छन्। अब सरकारले समयमै कडा कदम चाल्न सके मात्र नयाँ पुस्ताको विश्वास जित्न सक्नेछ।”