राजनीति

काठमाडौँ, भदौ २८ गते । राष्ट्रपति रामचन्द्र पौडेलले प्रधानमन्त्री सुशीला कार्कीको सिफारिसमा प्रतिनिधि सभा विघटन गर्नुभएको छ। शुक्रबार राति ११ बजेदेखि लागू हुने गरी २०८२ साल भदौ २७ गतेको मन्त्रिपरिषद्को सिफारिसअनुसार प्रतिनिधि सभा विघटन भएको राष्ट्रपति कार्यालयले जनाएको छ। यससँगै नयाँ प्रतिनिधि सभाको निर्वाचन मिति पनि तोकिएको छ। आगामी २०८२ साल फागुन २१ गते बिहिबार निर्वाचन गर्ने निर्णय गरिएको उपसचिव रुपेश जंग थापा मगरले जारी गरेको विज्ञप्तिमा उल्लेख छ। राष्ट्रपति कार्यालयका अनुसार विघटनपश्चात अब निर्वाचन आयोगले तय समयसीमाअनुसार आवश्यक तयारी अघि बढाउनेछ।

काठमाडौं, भदौ २६ गते । नेपाल तरुण दलले संविधानको रक्षा गर्न राष्ट्रपति सार्वजनिक रुपमा अगाडि आउनुपर्ने माग गरेको छ। राजधानीको चाबहिल क्षेत्रमा आज तरुण दलका कार्यकर्ताले प्रदर्शन गर्दै वर्तमान असामान्य राजनीतिक परिस्थितिमा संविधानको पक्षमा दृढ भूमिका खेल्न राष्ट्रपतिलाई आग्रह गरेका हुन्। प्रदर्शनकारीहरूले नाराबाजी गर्दै संविधानको अवमूल्यन गर्ने कुनै पनि प्रयासलाई अस्वीकार गर्ने चेतावनीसमेत दिएका थिए। उनीहरूले राष्ट्रपतिले निष्पक्ष र संवैधानिक भूमिकाबाट मुलुकलाई स्थिरतर्फ डोर्‌याउने अपेक्षा गरिएको बताएका छन्। तरुण दलका नेताहरूले संविधानमाथि आक्रमण गर्ने प्रयासहरूमाथि सतर्क रहन सबै दल र नागरिकलाई आह्वान गर्दै लोकतन्त्र र संवैधानिक अभ्यासलाई सुरक्षित राख्न एकताबद्ध हुनुपर्नेमा जोड दिएका छन्।

काठमाडौं, भदौ २४ गते । अखिल नेपाल विद्यार्थी युनियन (समाजवादी) ले देशभर सुरू भएको जेनरेशन जेड (Gen Z) आन्दोलनप्रति ऐक्यवद्धता जनाएको छ। जारी गरेको प्रेस विज्ञप्तिमा संगठनले देशमा दलाल पुँजीवादी संसदीय व्यवस्था र अयोग्य शासनसञ्चालकहरूले जनतामाथि अन्याय बढाएको भन्दै युवाहरूले देशको भविष्य अन्धकारमुक्त बनाउन सुरु गरेको आन्दोलन ऐतिहासिक रहेको उल्लेख गरेको छ। सप्टेम्बर ५ गतेदेखि देशव्यापी रूपमा सुरू भएको Gen Z आन्दोलनलाई राज्यले दमन गर्न खोजेको र युवाविद्यार्थीहरूको हत्या तथा घाइते बनाएकोप्रति विज्ञप्तिले गहिरो दुःख व्यक्त गरेको छ। संगठनले आन्दोलनमा बलिदान दिनेप्रति श्रद्धाञ्जली अर्पण गर्दै घाइतेहरूको शीघ्र स्वास्थ्य लाभको कामना गरेको छ। प्रेस विज्ञप्तिमा अन्य सबै देशभक्त नेपालीहरूलाई पनि यो…

काठमाडौं, भदौ २४ गते । राष्ट्रिय स्वतन्त्र पार्टी (रास्वपा) अन्तर्गत संघीय संसद्को प्रतिनिधिसभाका २० जना सांसदहरूले सामूहिक राजीनामा दिएका छन्। देशमा व्याप्त भ्रष्टाचार, कानुनी शासनको अभाव, दूषित राजनीतिक अभ्यास तथा सामाजिक अन्यायको विरोधस्वरूप रास्वपाले संसदमा प्रतिनिधित्व गर्ने सम्पूर्ण सदस्यहरूको राजीनामा सार्वजनिक गरेको हो। रास्वपाले विज्ञप्तिमार्फत देशको हालको अवस्थाप्रति गहिरो चिन्ता व्यक्त गर्दै राजनीतिक परिवर्तनका नाममा जनतामाथि अन्याय भइरहेको र आम जनताको आशा निराशामा परिणत भइरहेको जनाएको छ। विज्ञप्तिमा उल्लेखित प्रमुख मागहरू: १) प्रधानमन्त्रीको तत्काल राजीनामा २) घटनाको निष्पक्ष छानबिन गर्न उच्चस्तरीय न्यायिक छानबिन आयोग गठन ३) सर्वपक्षीय नागरिक सरकार ४) प्रधानमन्त्री गृहमन्त्री सञ्चारमन्त्री साथै काठमाडौँ जिल्लाका प्रमुख जिल्ला अधिकारीलाई बर्खास्तीका…

काठमाडौं, भदौ २३ गते । जनता समाजवादी पार्टी, नेपाल (जसपा) ले काठमाडौँमा शान्तिपूर्ण ढंगले भइरहेको विद्यार्थी आन्दोलनलाई सरकारले बलपूर्वक दमन गरेको घटनाप्रति गम्भीर आपत्ति जनाएको छ। आज भदौ २३ गते राजधानीमा जनरेशन जेड (Gen Z) पुस्ताले राज्य संरचनामा देखिएको भ्रष्टाचार, बेरोजगारी, शिक्षा, स्वास्थ्य, सुशासन र समानताका सवालमा उठाएको आवाजलाई सरकारले दमन गर्न खोजेको भन्दै जसपा नेपालले कडा शब्दमा विरोध गरेको हो। जसपा नेपालका महासचिव रामकुमार शर्माले जारी गरेको प्रेस विज्ञप्तिमा आन्दोलनका क्रममा सुरक्षाकर्मीको गोली लागेर मृत्यु भएका घटनाप्रति पार्टीले गहिरो दुःख प्रकट गर्दै घाइतेहरुको शीघ्र स्वास्थ्य लाभको कामना गरिएको छ। विज्ञप्तिमा भनिएको छ, “विद्यार्थीले अघि सारेका मागहरूमाथि सरकारले ध्यान नदिइ…