राजमार्ग खबर

काभ्रेपलाञ्चोक। बीपी राजमार्गको काभ्रेपलाञ्चोक खण्डमा साउन १ गतेदेखि रातिको समयमा सवारी आवागमनमा १२ घण्टाको रोक लगाइने भएको छ। जिल्ला प्रशासन कार्यालय धुलिखेलमा मंगलबार बसेको सुरक्षा समिति बैठकले यो निर्णय गरेको हो। मनसुन सक्रिय रहेको र सम्भावित विपद् जोखिम न्यूनीकरणका लागि एक महिनाको अवधिका लागि साँझ ५ बजेदेखि बिहान ५ बजेसम्म यातायात सञ्चालनमा रोक लगाइएको प्रशासनले जनाएको छ। यो प्रतिबन्ध काभ्रेभञ्ज्याङदेखि सिन्धुलीको सिमाना नेपालथोकसम्म लागू हुनेछ। यसअघि, असार ६ गते काभ्रेपलाञ्चोक, सिन्धुली र रामेछाप जिल्लाका सुरक्षा तथा अन्तरजिल्ला समन्वय समितिहरूको बैठकले असार ७ गतेदेखि साँझ ६:३० बजेबाट बिहान ६ बजेसम्म बीपी राजमार्गमा यातायातमा रोक लगाएको थियो, जसलाई असार मसान्तसम्म निरन्तरता दिइएको…

काठमाडौँ। नेपाल यातायात व्यवसायी राष्ट्रिय महासङ्घको आह्वानमा सार्वजनिक यातायातमा जारी हडतालविरुद्ध सर्वोच्च अदालतमा रिट निवेदन दर्ता भएको छ । अधिवक्ता विवेक पोखरेलले मङ्गलबार गृह मन्त्रालय, भौतिक पूर्वाधार तथा यातायात मन्त्रालय र महासङ्घसमेतलाई विपक्षी बनाई उक्त रिट दायर गरेका हुन् । रिटमाथि बुधबार पेसी तोकिएको छ । सार्वजनिक यातायातलाई अत्यावश्यक सेवा क्षेत्र मानिएकाले त्यसमा हडताल गर्न नपाउने कानुनी प्रावधान हुँदाहुँदै सेवा बन्द गरिनु संविधान विपरीत भएको रिट निवेदकको जिकिर छ । रिटमा तत्काल सार्वजनिक यातायात सुचारु गर्न अन्तरिम आदेशको माग गरिएको छ । जेठ १९ गतेदेखि देशभर सार्वजनिक यातायात ठप्प पारिँदा विद्यार्थी, बिरामी, कर्मचारी, शिक्षकलगायत हजारौँ नागरिकको आवतजावतमा गम्भीर असर परेको…

कालिकोट। कर्णाली राजमार्गअन्तर्गत खुलालु–लालीघाट सडकखण्ड आगामी मंगलबार (जेठ २० गते) देखि चार दिनका लागि पूर्णरुपमा बन्द हुने भएको छ। सडक मर्मत तथा स्तरोन्नतिका लागि सवारी आवागमन बन्द गर्ने निर्णय गरिएको जिल्ला प्रशासन कार्यालय, कालिकोटले जनाएको छ। यो सडकखण्ड बन्द हुँदा कालिकोट, बाजुरा र हुम्लाका नागरिकलाई प्रत्यक्ष रूपमा असुविधा हुनेछ। जिल्ला प्रशासन कार्यालयमा शुक्रबार बसेको सरोकारवालाहरूको बैठकले जेठ २० गते बिहानदेखि २४ गते बेलुकीसम्म सवारीसाधन सञ्चालनमा रोक लगाउने निर्णय गरेको हो। सहायक प्रमुख जिल्ला अधिकारी जनक शर्माका अनुसार कर्णाली राजमार्ग हुँदै आएका गाडी जिते हुल्ममा रोकिनेछन्। त्यसैगरी, हुम्ला, बाजुरा र कालिकोटका विभिन्न स्थानबाट आएका गाडी लालीघाटमै रोकिएर यात्रुहरूलाई त्यहीँबाट गन्तव्यतर्फ पठाइनेछ।…