राजमार्ग खबर

भरतपुर, अशोज १० गते । मुग्लिन–नारायणगढ सडक खण्डमा यातायात रोकावटबिना सञ्चालनमा रहेको सडक डिभिजन कार्यालय भरतपुरले जनाएको छ। कार्यालयका अनुसार शनिबार बिहान ९:२५ बजेदेखि सो खण्डमा दुईतर्फी सवारीसाधन सहज रूपमा चलिरहेको छ। साथै सवारी चालकहरूलाई लेन अनुशासनको पालना गरी सुरक्षितरूपमा सवारी सञ्चालन गर्न अनुरोध गरिएको छ।

चितवन, अशोज १० गते । मुग्लिन–नारायणघाट सडक खण्डको तुइन खोलामा अघिल्लो शुक्रबारदेखि पटक–पटक खसेको पहिरोका कारण अवरुद्ध भएको सडक करिब १०५ घण्टापछि सञ्चालनमा आएको छ। निरन्तर प्रयासपछि हिजो राति १०:३५ बजेदेखि सडक पूर्णरूपमा सञ्चालनमा आएको हो। निरन्तर ढुङ्गा खसिरहे पनि जोखिम मोलेर सडक सफा गर्ने अपरेटर, सुपरभाइजर, प्राविधिक र अन्य कर्मचारीहरूले महत्त्वपूर्ण भूमिका निर्वाह गरेका छन्। साथै नागढुंगा–मुग्लिन सडक आयोजना मुग्लिनको नेतृत्व, HED हेटौंडा/पोखरा, सडक विभाग (DoR), भौतिक पूर्वाधार तथा यातायात मन्त्रालय (MOPIT) र अन्य शुभेच्छुकहरूको निरन्तर सहयोग र उत्साहवर्धन उल्लेखनीय भएको छ। चितवन जिल्लाका प्रमुख जिल्ला अधिकारी, सुरक्षानिकायका नेतृत्व र अन्य सरोकारवालाको योगदानप्रति आभार व्यक्त गरिएको छ। फिल्ड व्यवस्थापनमा…

चितवन, अशोज ९ गते । नारायणगढ–मुग्लिन सडक खण्ड अन्तर्गत तुइन खोलामा खसेको सुखा पहिरो पन्छाएसँगै ५८ घण्टापछि आवागमन सुचारु भएको छ। सडक खुल्नासाथ लामो समयदेखि जाममा परेका सवारी साधनले सहज रूपमा यात्रा जारी गरेका छन्। सडक अवरुद्ध हुँदा दशैंका लागि घर हिँडेका सयौँ यात्रु तथा चालकहरू अलपत्र परेका थिए। सडक कतिखेर खुल्छ भन्ने प्रतीक्षामा रहेका यात्रु र चालकहरू सडक खुल्नेबित्तिकै खुसी व्यक्त गर्दै आफ्नो गन्तव्यतर्फ अघि बढेका छन्। सडक विभागका अनुसार लामो समयदेखि पर्खाइमा रहेका यात्रु तथा चालकलाई सहज आवागमनका लागि निरन्तर पहिरो पन्छाउने कार्य चलाइएको थियो। अहिले भने दुईतर्फी यातायात सहज बनेको जनाइएको छ।

चितवन, अशोज ९ गते । मुग्लिन–नारायणगढ सडक खण्डको तुईन खोला पुल नजिक खसेको पहिरो करिब ४५ मिनेटमै पन्छाइ सडक दुबै तर्फी यातायात आवागमन सुचारु गरिएको छ। सडक डिभिजन कार्यालय भरतपुरका अनुसार साँझ करिब ८:३० बजे सडक अवरुद्ध हुनेगरी खसेको पहिरोलाई एक्साभेटर र डोजर प्रयोग गरी तत्काल पन्छाइएपछि आवागमन सहज भएको हो। अचानक खसेको पहिरोका कारण केही समय देखि सडक अवरुद्ध हुँदा यात्रुहरूले धेरै सास्ती बेहोर्नु परेको थियो। तर आज केहिको अन्तराल समयपछि सडकलाई खुलाइएको जनाइएको छ।

चितवन, अशोज ९ गते । नारायणगढ–मुग्लिन सडकखण्डअन्तर्गत टुइन खोलामा खसेको पहिरो हटाउने कार्य अन्तिम चरणमा पुगेको छ। पाँच वटा एक्साभेटर र डोजरलगायतका उपकरण प्रयोग गरी माटो पन्छाउने काम तीव्र गतिमा भइरहेको जिल्ला प्रशासन कार्यालय चितवनले जनाएको छ। चितवनका प्रमुख जिल्ला अधिकारी गणेश अर्याल, जिल्ला प्रहरी प्रमुखसहित डिभिजन कार्यालयका इन्जिनियर तथा कर्मचारीहरू निरन्तर स्थलमै खटिएका छन्। सुरक्षासम्बन्धी संयन्त्र मिलाउँदै राति पनि उज्यालो बत्तीको सहायताले काम अघि बढाइएको छ। काम गर्ने क्रममा एक डोजर चालक घाइते भएपछि हेटौंडाबाट अनुभवी चालक बोलाएर काम निरन्तर गरिएको छ। प्रशासनका अनुसार अझै करिब आधा घण्टाभित्र माटो पन्छाउने कार्य पूरा हुने र सकेसम्म आज रातिसम्मै अवरुद्ध सडक…

दोलखा, भदौ १५ गते । जिल्लामा मापसे गरेर सवारीसाधन चलाउने प्रवृत्ति बढ्दै गएपछि दुर्घटनाका घटना नियन्त्रण गर्न प्रहरीले कडाई गर्न थालेको छ। जिल्ला प्रहरी कार्यालय दोलखाका प्रमुख डिएसपी ज्ञानकुमार महतो र ट्राफिक प्रमुख ठाकुर प्रसाद भट्टराई स्वयं सडकमा खटिएर सवारीसाधन चेकजाँच सुरु गरेका छन्। प्रहरीका अनुसार आइतबारदेखि बजार क्षेत्रमा विशेष चेकजाँच अभियान सञ्चालन गरिएको हो। सवारीसाधन चालकलाई मापसे नगर्न, ट्राफिक नियम पालना गर्न र सुरक्षित ढंगले सवारी सञ्चालन गर्न आग्रह गरिएको छ।