समाचार

दोलखा, मंसिर ४ गते । दोलखा जिल्लाको मेलुङ गाउँपालिका–७ का ४३ वर्षीय अरुण कार्कीको मकालु बेस क्याम्प क्षेत्रमा मृत्यु भएको छ। मंसिर १ गते घुम्न मकालु क्षेत्र पुगेका कार्की उच्च हिमाली उचाइमा स्वास्थ्य समस्या देखिएपछि निधन भएको जिल्ला प्रहरी कार्यालय संखुवासभाले पुष्टि गरेको छ। घटना थाहा पाएपछि प्रहरी निरीक्षक मेघराज अर्यालको नेतृत्वमा जिल्ला प्रहरी कार्यालय संखुवासभाबाट उद्धार टोली खटिएको थियो। टोलीले मंसिर ३ गते हेली एभरेष्टको हेलिकप्टरमार्फत कार्कीको शव बेस क्याम्पबाट उठाई संखुवासभा हुँदै काठमाडौं पठाएको जनाएको छ। उद्धार गरिएको शवलाई कानुनी प्रक्रिया अनुसार पोस्टमार्टमका लागि भक्तपुरको दुवाकोटस्थित केएमसी अस्पताल लगिएको प्रहरीले जानकारी दिएको छ।

ललितपुर, मंसिर ४ गते । भैरव ग्रुप, याला सदक ललितपुरले देशभर बढ्दै गएको असुरक्षा, राजनीतिक अनिश्चितता र जनस्तरमा फैलिएको चिन्ताप्रति गम्भीर चासो व्यक्त गर्दै गृह मन्त्रालयका सम्माननीय गृहमन्त्री ओम प्रकाश अर्यालसमक्ष व्यापक ध्यानाकर्षण गराएको छ। समूहले मंसिर ४ गते गृहमन्त्रीलाई बुझाइएको विज्ञप्तिमार्फत राष्ट्रिय सुरक्षा, शान्ति तथा स्थिरता कायम गर्न तात्कालिक र प्रभावकारी कदम चाल्न आग्रह गरेको छ। विज्ञप्तिमा हाल विभिन्न क्षेत्रमा देखिएका अराजकता, असुरक्षा तथा समन्वय अभावका घटनाले राष्ट्रिय वातावरणमा नकारात्मक असर पारेको उल्लेख गर्दै निम्न विषयलाई प्राथमिकताका साथ कार्यान्वयन गर्न अनुरोध गरिएको छ– १. दैनिक जीवनमा प्रत्यक्ष असर पारिरहेका अराजक गतिविधिको कडाइका साथ नियन्त्रण। २. प्रमुख सुरक्षा निकायबीच समन्वय…

काठमाण्डौं, मंसिर ४ गते । पशुपति क्षेत्र विकास कोषले मार्गशीर्ष कृष्ण आमावास्याको अवसर पारेर भगवान् पशुपतिनाथसँग सम्बन्धित अतिदुर्लभ एवं प्राचीन धरोहरहरू सार्वजनिक दर्शनका लागि प्रदर्शनमा राखेको छ। नागमणि, मुकुट, कवच, एकमुखे रुद्राक्ष लगायतका महत्वपूर्ण सामग्रीहरू बिहीबार बिहान ९ बजेदेखि ११:१५ बजेसम्म सर्वसाधारणले अवलोकन गर्न पाएका छन्। कोषले प्रत्येक वर्ष मार्गशीर्ष कृष्ण त्रयोदशी र आमावास्याका दिन यी धरोहरहरू जनदर्शनका लागि सार्वजनिक गर्ने परम्परा जोगाउँदै आएको छ। यस वर्ष पनि सुरक्षा निकायको सहयोगमा उक्त सामग्रीहरू सुरक्षित रूपमा प्रदर्शनीमा राखिएको कोषका निमित्त सदस्यसचिव सुभाषचन्द्र जोशीले जानकारी दिए। धार्मिक आस्था र संस्कृतिसँग जोडिएका यी धरोहरहरूको वार्षिक अवलोकनले भक्तजनमा उत्साह थपिएको कोषले जनाएको छ। नागमणि,…

काभ्रेपलान्चोक, मंसिर ४ गते । काभ्रेपलान्चोकको पाँचखालमा बसको ठक्करबाट घाइते भएका एक स्थानीय बुढेशकालीन नागरिकको उपचारका क्रममा मृत्यु भएपछि स्थानीयवासी आन्दोलित बनेका छन्। मृतकका आफन्त तथा स्थानीयहरूले न्याय माग गर्दै अरनिको राजमार्ग अवरुद्ध गरेका छन्। सिन्धुपाल्चोकको चौताराबाट काठमाडौंतर्फ गइरहेको अरनिको यातायातको बा २ ख ६५७९ नम्बरको बसले पैदलयात्री ७० वर्षीय दिल बहादुर श्रेष्ठलाई ठक्कर दिएको प्रहरीले जनाएको छ। तीनधारे ‘माईला’ उपनामले परिचित श्रेष्ठ दुर्घटनापछि गम्भीर घाइते भएका थिए। उपचारका क्रममा निधन भएपछि स्थानीयले दोषीमाथि कडा कारबाही र क्षतिपूर्तिको माग राख्दै सडक अवरुद्ध गरेका हुन्। राजमार्ग बन्द हुँदा यातायात आवागमन प्रभावित भएको छ भने स्थिति नियन्त्रणमा लिन प्रहरीले थप सुरक्षाकर्मी परिचालन…

काठमाण्डौं, मंसिर ३ गते । नेपाल सरकार गृहमन्त्रालयले बारा जिल्लाको सिमरामा भएको घटनाप्रति गम्भीर ध्यानाकर्षण भएको जनाएको छ। घटनापछि उत्पन्न परिस्थितिलाई नियन्त्रणमा लिँदै शान्ति–सुरक्षा कायम गर्न स्थानीय प्रशासनले आवश्यक कदम चालिरहेको मन्त्रालयद्वारा जारी विज्ञप्तिमा उल्लेख गरिएको छ। मन्त्रालयका अनुसार स्थिति क्रमशः सामान्य हुँदै गएको छ। विज्ञप्तिमा उल्लेख भएअनुसार वर्तमान सरकार तोकिएको मितिमै निर्वाचन सम्पन्न गराउँदै मुलुकमा शान्ति व्यवस्था र अमन–चयन कायम राख्न कटिबद्ध रहेको स्पष्ट गरिएको छ। यसका लागि सबै पक्षबीच आपसी संवाद, समन्वय र सहयोग अपरिहार्य रहेको मन्त्रालयको भनाइ छ। यस्तै, कुनै पनि आयोजनाबद्ध कार्यक्रमहरू सञ्चालन गर्दा स्थानीय प्रशासनसँग समन्वय गरी शान्तिपूर्ण, मर्यादापूर्वक र सुव्यवस्थित ढंगले अघि बढाउन मन्त्रालयले…

बारा, मंसिर ३ गते । बारा जिल्लामा उत्पन्न तनावपूर्ण अवस्थालाई नियन्त्रणमा लिन जिल्ला प्रशासन कार्यालय, बाराले कर्फ्यु आदेश जारी गरेको छ। सिमरा विमानस्थल आसपास जेन–जेड युवाहरूको प्रदर्शन र राजनीतिक दल–आबद्ध समूहहरूबीच तनाव बढेपछि सरकारी तथा निजी सम्पत्तिमा क्षति हुन नदिन र स्थिति थप जटिल नबढोस् भन्ने उद्देश्यले आज मिति २०८२ साल मंसिर ३ गतेदेखि दिउँसो १२:३० बजेदेखि बेलुकी ८ बजेसम्म कर्फ्यु लागू गरिएको हो। स्थानीय प्रशासन ऐन २०२८ को दफा ६(क) र ६(ख) अनुसार जारी कर्फ्यु आदेश बमोजिम जितपुर सिमरा उपमहानगरपालिकाका निम्न क्षेत्रहरूमा आवतजावत तथा कुनै प्रकारको भेला, जुलुस, प्रदर्शन, सभा वा बैठक निषेध गरिएको छः १) गण्डक नहरदेखि पत्लैया…

ताप्लेजुङ, मंसिर ३ गते । आज बिहान करिब १ बजे ताप्लेजुङको मिक्वाखोला गाउँपालिका–४, फुङफुङे तेम्बा बजारस्थित एक पसलमा लागेको आगो नेपाली सेना, विरदल गणले अन्य सुरक्षा निकाय तथा स्थानीयबासीको सहयोगमा नियन्त्रणमा ल्याएका छन्। स्थानीय स्रोतका अनुसार मध्यरात अचानक एक पसलबाट सुरु भएको आगो छोटो समयमा नै फैलिन थालेपछि सुरक्षाकर्मी तथा स्थानीयवासी सक्रिय भएपछि ठूलो क्षति हुनबाट जोगिएको हो। आगलागी नियन्त्रणका लागि नेपाली सेनाको विरदल गणको टोली, नेपाल प्रहरी, सशस्त्र प्रहरी र स्थानीयले संयुक्त रूपमा प्रयास गरेका थिए। आगलागीको पूर्ण विवरण तथा क्षतिको मूल्याङ्कन भइरहेको जनाइएको छ।

काठमाडौँ, मंसिर २ गते । काठमाडौँ — करुणाका अवतार भगवान बुद्धदेखि शिल्प–प्रतिभा अरनिको र एकीकरणकर्ता पृथ्वीनारायण शाहसम्म, असाधारण क्षमताका पात्रहरू जन्माउने माटो अहिले नैतिक पतन, भ्रष्टाचार र सामाजिक ध्वंसको डरलाग्दो मोडमा पुगेको छ। यही विषयलाई जेनजी रिभोलुसन नेपालका सह–सयोजक अर्जुन शाहीले राजधानीमा दिएका ताजा अभिव्यक्तिमा तीव्र संवेदनासहित उठाएका छन्।   शाहीको प्रश्न सरल छ तर असहज– “महान मानिसहरू जन्मिएको देशमा समाज किन दिनहुँ कुरूप बन्दै छ ?” ▣ “व्यक्ति दोषी होइन, प्रणाली नै रोगग्रस्त छ” शाहीका अनुसार नेपाली समाजको गिरावट कुनै आकस्मिक दुर्घटना होइन, बरु दशकौँदेखि जरा गाडेर बसेको भ्रष्ट नेतृत्व, गलत नीति संरचना र नागरिक चेतनाको दमनको परिणाम हो।…

काठमाडौँ, मंसिर २ गते । जेन जि मुभमेन्ट नेपालले व्यवसायी दुर्गा प्रसाईको पक्राउलाई लोकतान्त्रिक मूल्य–मान्यतामाथिको प्रहार र राजनीतिक प्रतिशोधको घटना भएको दाबी गरेको छ। संगठनले जारी गरेको बयानमा प्रसाईलाई निशाना बनाउन “विद्रोह हतियाउने शक्ति–गठबन्धन” सक्रिय रहेको आरोप लगाइएको छ। मुभमेन्टका अनुसार पूर्वप्रधानन्यायाधीश सुशीला कार्की र अधिवक्ता ओमप्रकाश अर्याल नेतृत्वमा रहेको समूहले भाद्र २४ मा देखापरेको जेन जि विद्रोहलाई कमजोर पार्ने उद्देश्यका साथ परिस्थिति अस्थिरतातर्फ मोड्ने प्रयास गरेको थियो। बयानमा भनिएको छ– “विद्रोह अपहरण गर्ने योजना सार्वजनिक गर्ने व्यक्तिलाई नियन्त्रणमा लिने राज्यको व्यवहार दमनकारी शासनशैलीको नमुना हो।” संगठनले घटनाबाट सञ्चित ‘षड्यन्त्रका प्रमाण’ बाहिर ल्याउने क्रममै प्रसाईलाई लक्षित गर्दै गिरफ्तर गरिएको आफ्नो…