समाचार

​निजगढ,बैशाख ३ गते । नेत्रहीन क्रिकेट संघ मधेस प्रदेशको आयोजनामा निजगढ-६ स्थित क्रिकेट मैदानमा सञ्चालित दृष्टिविहीन क्रिकेट प्रशिक्षण तथा प्रतियोगितात्मक कार्यक्रमको आज समापन गरिएको छ। वैशाख १ गतेदेखि सुरु भएको उक्त कार्यक्रमको निजगढ नगरपालिकाका नगर प्रमुख सुरथ पुरीको प्रमुख आतिथ्यतामा औपचारिक समापन गरिएको हो। ​समापन समारोहमा नगर उप-प्रमुख सोममाया थिङ्ग, वडा अध्यक्ष बिसन सापकोटा, जिल्ला खेलकुद विकास समितिका अध्यक्ष दिलबहादुर लामा र इलाका प्रहरी कार्यालय निजगढका प्रमुख जीवन लामिछाने लगायतको उपस्थिति थियो। ​संघका अध्यक्ष महेश साहका अनुसार वैशाख ५ देखि ८ गतेसम्म आयोजना हुने प्रदेश स्तरीय प्रतियोगितामा मधेस प्रदेशलाई उपाधि दिलाउने लक्ष्यका साथ यो प्रशिक्षण दिइएको हो। कार्यक्रममा युवा क्लबका…

काठमाडौँ,बैशाख ३ गते । बालेन शाहको निर्वाचन मार्फत भएको उदयले समकालीन दक्षिण एसियाली राजनीतिमा एक नयाँ मोड सिर्जना गरेको छ। विशेष गरी जेन–जेड पुस्ताको सक्रिय सहभागिताबाट प्रेरित यो परिवर्तनले स्वच्छ शासन, पारदर्शिता र कार्यकुशलता प्रति गहिरो जनआकांक्षा झल्काएको छ। परम्परागत राजनीतिक संरचनाप्रतिको असन्तोष यस परिवर्तनको मूल आधार बनेको देखिन्छ। आजको युवा पुस्ताले केवल नेतृत्व परिवर्तन मात्र होइन, शासन प्रणालीकै रूपान्तरणको माग गरिरहेको छ। सामाजिक सञ्जालको प्रभावले आन्दोलनको स्वरूप परिवर्तन गरेको छ भने योग्यता, उत्तरदायित्व र परिणाममुखी शासन यसको केन्द्रमा छन्। तर, यो उत्साहसँगै इतिहासको एउटा महत्वपूर्ण पाठ पनि जोडिएको छ। जय प्रकाश नारायणद्वारा नेतृत्व गरिएको “सम्पूर्ण क्रान्ति” आन्दोलन र त्यसपछिको…

काठमाडौँ,बैशाख ३ गते । सवारी चालक अनुमतिपत्र (लाइसेन्स) प्राप्त गर्ने प्रक्रियामा ठूलो सुधार गरिएको छ। अब ट्रायल परीक्षा उत्तीर्ण गरी राजस्व बुझाएको २४ घण्टाभित्रै सेवाग्राहीले लाइसेन्स प्राप्त गर्न सक्ने व्यवस्था सुरु गरिएको छ। यातायात व्यवस्था विभागले सुरक्षण मुद्रण केन्द्रसँग समन्वय गरी नयाँ प्रणाली लागू गरेको हो। यस प्रणालीअन्तर्गत प्रत्येक दिन साँझ सेवाग्राहीहरूको विवरण (डाटा) संकलन गरी मुद्रण केन्द्रमा पठाइनेछ। त्यसपछि रातभरि लाइसेन्स छपाइ गरी भोलिपल्ट सम्बन्धित कार्यालयमा पठाइने व्यवस्था मिलाइएको विभागले जनाएको छ। यसअघि लाइसेन्स प्राप्त गर्न लामो समय कुर्नुपर्ने बाध्यता थियो। नयाँ व्यवस्थासँगै सेवाग्राहीलाई छिटो र सहज सेवा उपलब्ध हुने अपेक्षा गरिएको छ। त्यसैगरी, लामो समयदेखि थाँती रहेका करिब…

काठमाडौँ,बैशाख ३ गते । उपसभामुख रुवि कुमारी ठाकुरले हालै आफूले प्राप्त गरेका अधिकांश विवाह निमन्त्रणापत्रहरूमा “दहेज मुक्त विवाह” भन्ने स्पष्ट सन्देश उल्लेख नभएको भन्दै चिन्ता व्यक्त गरेकी छन्। उनले यस अवस्थाले नेपाली समाज अझै पनि दाइजो प्रथाबाट पूर्ण रूपमा मुक्त हुन नसकेको संकेत गरेको बताएकी छन्। उनका अनुसार दाइजो लिनु र दिनु मात्र होइन, दाइजोको लेनदेनमा आधारित विवाहलाई स्वीकार गर्नु, त्यस्ता कार्यक्रममा सहभागी हुनु वा भोज ग्रहण गर्नु समेत सामाजिक रूपमा अस्वीकार्य र कानुनी रूपमा दण्डनीय अभ्यास हो। यस्तो कुप्रथाले महिलाको सम्मान, समानता र अधिकारमाथि प्रत्यक्ष आघात पुर्‍याउने उनको भनाइ छ। ठाकुरले समाज परिवर्तनका लागि व्यक्तिगत स्तरबाटै पहल आवश्यक रहेको…

चितवन,बैशाख १ गते । नारायणगढ–बुटवल सडक खण्डको निर्माण कार्यमा भएको ढिलाइप्रति गृहमन्त्री सुधन गुरुङले असन्तुष्टि जनाएका छन्। स्थलगत अनुगमनका क्रममा उनले निर्माण कार्य सुस्त हुँदा यात्रुहरूले सास्ती खेप्नुपरेको, आवागमन प्रभावित भएको र दुर्घटनाको जोखिम बढेको बताएका छन्। गृहमन्त्री गुरुङले सडक निर्माण कार्य अलपत्र पार्नु अस्वीकार्य भएको उल्लेख गर्दै निर्धारित समयभित्रै गुणस्तरीय काम सम्पन्न गर्न चिनियाँ ठेकेदार कम्पनीलाई कडा निर्देशन दिएका छन्। उनले ढिलासुस्ती नगरी कामलाई तीव्र गतिमा अघि बढाउनुपर्नेमा जोड दिए। अनुगमनका क्रममा ठेकेदार कम्पनीले भने अबको १५ दिनभित्र निर्माण कार्य सम्पन्न गर्ने प्रतिबद्धता जनाएको छ। गृहमन्त्री गुरुङले उक्त प्रतिबद्धता कार्यान्वयनमा ध्यान दिन चेतावनी दिँदै जनताले भोगिरहेको सास्तीलाई शीघ्र अन्त्य…

काठमाडौं,चैत २९ गते । जेन जि मुभमेन्ट नेपालले युट्युबर रोशन पोखरेललाई अभिव्यक्तिकै आधारमा पक्राउ गरिएको भन्दै त्यसप्रति गम्भीर आपत्ति जनाएको छ। संगठनका प्रवक्ता विजय शाहद्वारा जारी प्रेस वक्तव्यमा उक्त कदमलाई अभिव्यक्ति स्वतन्त्रतामाथिको आक्रमण र लोकतान्त्रिक मूल्य–मान्यताविपरीत कार्यको रूपमा व्याख्या गरिएको छ। वक्तव्यमा अभिव्यक्ति स्वतन्त्रता प्रत्येक नागरिकको मौलिक अधिकार भएको उल्लेख गर्दै यसले लोकतान्त्रिक व्यवस्थाको आधार निर्माण गर्ने जनाइएको छ। “विचार अभिव्यक्तिलाई अपराधका रूपमा हेर्ने प्रवृत्तिले लोकतन्त्रलाई कमजोर बनाउँछ,” वक्तव्यमा भनिएको छ। संगठनले प्रधानमन्त्री स्वयं र्यापर भएको सन्दर्भ उल्लेख गर्दै अभिव्यक्ति स्वतन्त्रताको महत्त्व अझ राम्रोसँग बुझ्नुपर्ने धारणा राखेको छ। साथै, विगतमा विभिन्न सार्वजनिक व्यक्तित्वहरूबाट आएका विवादास्पद अभिव्यक्तिहरूमा समान मापदण्ड अपनाइनु पर्ने…

चितवन,चैत २८ गते । चितवनको भरतपुर महानगरपालिका–१०, दिपेन्द्र चोकस्थित एक घरमा डेरा गरी बस्दै आएकी २५ वर्षीया मनिषा मगर मृत अवस्थामा फेला परेकी छन्। उनी साँझ करिब ८ बजेको समयमा कोठाभित्र मृत भेटिएको जिल्ला प्रहरी कार्यालयले जनाएको छ। घटनाबारे जानकारी पाएलगत्तै प्रहरी टोली घटनास्थल पुगेको थियो। प्रारम्भिक रूपमा घटनाको कारण खुल्न नसकेको र मृत्युको वास्तविक कारण पत्ता लगाउन अनुसन्धान भइरहेको प्रहरीले जनाएको छ। शवलाई पोस्टमार्टमका लागि भरतपुर अस्पताल पठाइएको छ। घटनाबारे थप विवरण आउन बाँकी रहेको प्रहरीले जनाएको छ।

चितवन,चैत २८ गते । गृहमन्त्री सुधन गुरुङले चितवनस्थित तुइनखोला क्षेत्रको पहिरो प्रभावित सडक खण्डको स्थलगत अवलोकन गरेका छन्। हरेक वर्ष मनसुनको समयमा तुइनखोलासँगै रहेको भिरबाट पहिरो खस्दा यात्रुहरू घाइते हुने तथा घण्टौंसम्म यातायात अवरुद्ध हुने समस्या रहेको भन्दै स्थानीयवासीले गुनासो गरेका थिए। स्थानीयको गुनासो सुनेपछि गृहमन्त्री गुरुङले तत्काल समस्या समाधान गर्न सम्बन्धित निकायलाई निर्देशन दिएका छन्। उनले सडक विभागका अधिकारी तथा चितवनका प्रमुख जिल्ला अधिकारी गणेश अर्याललाई बर्खा सुरु हुनुअघि नै जोखिमपूर्ण पहिरो विस्थापन गर्न आवश्यक पहल गर्न निर्देशन दिएका हुन्। गृहमन्त्री गुरुङले समयमै आवश्यक कदम चाल्न नसके जनधनको ठूलो क्षति हुन सक्ने भन्दै जिम्मेवार निकायलाई गम्भीर बन्न आग्रह गरेका…

चितवन,चैत २८ गते । चितवन राष्ट्रिय निकुञ्ज कार्यालयले हिजो (चैत्र २६ गते) भएको एक गम्भीर घटनाबारे प्रेस विज्ञप्ति जारी गर्दै निकुञ्जको कोर क्षेत्रमा गस्तीका क्रममा गैंडा आक्रमण भएको जनाएको छ। निकुञ्ज सुरक्षार्थ खटिएको श्री नयाँ गोर्खागण अन्तर्गत सेती सुरक्षा पोस्टबाट खटिएको गस्ती टोली दिउँसो करिब १२:५० बजे नियमित गस्तीमा रहेको अवस्थामा बच्चासहितको अर्धवयस्क पोथी एकसिङ्गे गैंडासँग जम्का भेट भएको थियो। गस्ती टोलीले सुरक्षात्मक उपाय अपनाउँदा अपनाउँदै पनि अचानक उक्त गैंडाले एकजना सिपाहीमाथि आक्रमण गरेको विज्ञप्तिमा उल्लेख छ। त्यसपछि टोलीका कमाण्डरले गैंडा धपाउन १० राउन्ड हवाई फायर गरे पनि गैंडा नभागेपछि थप ४ राउन्ड हवाई फायर गरिएको थियो। तत्पश्चात पनि गैंडाले…

काठमाडौँ,चैत २६ गते । दृष्टिसम्बन्धी अपाङ्गता भएका व्यक्तिहरूलाई प्रविधिमा दक्ष बनाउँदै रोजगारीका अवसरहरू वृद्धि गर्ने उद्देश्यले महालक्ष्मी विकास बैंकको सहयोगमा समावेशी अक्षर र अनुसन्धान (सर्वोदय) ले १० दिने 'डिजिटल सामग्री उत्पादन, प्रकाशन तथा प्रसारण' तालिम सुरु गरेको छ। जुम एप्लिकेसनमार्फत सञ्चालित कार्यक्रमको पहिलो दिन संस्थाका सूचना प्रविधि विभागका सदस्य आशिर्वाद भट्टराईले सहभागीहरूलाई स्वागत गर्दै प्राविधिक सत्रको व्यवस्थापनबारे जानकारी दिए। वि.सं. २०७६ साल देखि अभियानका रूपमा सक्रिय रहँदै २०८० जेठ १४ गते नवलपरासी सुस्तापूर्वमा औपचारिक रूपमा दर्ता भएको यस संस्थाले सुरुवाती चरणमा शिक्षक सेवा आयोग र लोकसेवा आयोगमा सहभागी दृष्टिविहीन प्रशिक्षार्थीहरूका निम्ति लेखन सहयोगी खोज्दै आएकोमा अहिले आफ्नो कार्यक्षेत्र विस्तार गर्दै…