समाचार

दोलखा, अशोज २२ गते । भीमेश्वर नगरपालिका–४ सिरान गाउँ देउराली सार्केश्वराका स्थानीय दाजुभाइ र दिदीबहिनीहरूले “आफ्नो गाउँ ठाउँ आफैं बनाउँ” भन्ने उद्देश्यका साथ सामूहिक श्रमदान गरी सडकको नालामा झरेको पहिरो र माटो सफा गरेका छन्। सडकमा लगातारको वर्षाका कारण पहिरो झरेर बाटो अबरुद्ध भएपछि स्थानीय बासिन्दाहरूले कुनै पनि सरकारी सहयोगको पर्खाइ नगरी आफैं अग्रसर भएर श्रम अभियान सञ्चालन गरेका हुन्। उनीहरूले नालामा अड्किएको माटो, झाडी र ढुंगामाटो हटाउँदै सडक पुनः सहज पार्ने काम सम्पन्न गरेका छन्। स्थानीयको भनाइअनुसार, यस्तो सामूहिक श्रमदानले गाउँमा एकताको भावना बढाउने मात्र नभई विकास र सरसफाइप्रतिको चेतना पनि फैलाउने काम गरेको छ। उनीहरूले आगामी दिनमा पनि…

काठमाडौँ, अशोज २२ गते । जेन जि पुस्ताको अगुवाइमा हालै भएका प्रदर्शनपछि देशमा विकसित नयाँ राजनीतिक परिस्थितिप्रति ध्यानाकर्षण गर्दै गृह मन्त्रालयले आज एक प्रेस विज्ञप्ति जारी गरेको छ। विज्ञप्तिमा नयाँ सरकार गठनसँगै मुलुकको शान्ति सुरक्षा स्थिति सामान्य बनाउँदै आगामी फागुन २१ गतेका लागि तोकिएको निर्वाचनलाई सफलतापूर्वक सम्पन्न गर्न सरकार क्रियाशील रहेको उल्लेख गरिएको छ। गृह मन्त्रालयका प्रवक्ता तथा सहसचिव आनन्द काफ्लेले हस्ताक्षर गरेको विज्ञप्तिमा मुलुकमा शान्ति सुव्यवस्था कायम राख्दै निर्वाचनमा सबै नागरिकको सहभागिता सुनिश्चित गर्न आह्वान गरिएको छ। साथै नागरिकले आफ्ना आवाज, अपेक्षा र असन्तुष्टिहरूलाई शान्तिपूर्ण तरिकाले व्यक्त गर्न आग्रह गरिएको छ। मन्त्रालयले धर्ना, जुलुस र विरोधका कार्यक्रमलाई सभ्य, मर्यादित…

काठमाडौँ, अशोज २२ गते । अभियन्ता केपी खनालका अनुसार इजरायलको सेनाले हमासद्वारा अपहरणमा परेका नेपाली नागरिक बिपिन जोशी जीवितै रहेको नयाँ तथ्य फेला पारेको छ। जोशीको अवस्थाबारे थप विवरण आज बेलुकी सार्वजनिक गरिने बताइएको छ। बिपिन जोशी सन् २०२३ मा इजरायलमा हमासको आक्रमणका क्रममा हराएका नेपाली विद्यार्थीमध्ये एक हुन्। लामो समयदेखि उनको अवस्थाबारे अनिश्चितता रहँदै आएको थियो। अभियन्ता खनालले सामाजिक सञ्जालमार्फत् सारा नेपालीका लागि यो सम्भावित खबर खुसिको विषय भएको उल्लेख गर्दै थप जानकारीका लागि आधिकारिक घोषणा पर्खिन आग्रह गरेका छन्।

काठमाडौँ, अशोज २२ गते । जिन जि युवाको प्रतिनिधि युवा नेता मिराज ढुङ्गानाले आज सार्वजनिक गरेको भिडियो अभिव्यक्तिमा प्रत्यक्ष निर्वाचित कार्यकारी प्रधानमन्त्रीको माग र त्यसलाई प्रभावकारी र निरंकुश बन्न नदिन बनाइएको नयाँ प्रणालीबारे ध्यानाकर्षण भएको छ। भिडियोमा ढुङ्गानाले भने — “हामीले हाम्रो मुख्य माग बिर्सेका छैनौँ। प्रत्यक्ष निर्वाचित कार्यकारी प्रधानमन्त्रीको प्रणालीबाट प्रधानमन्त्रीले निरंकुश अथवा तानाशाही बन्न नपाउनेगरी पावर ब्यालेन्स हुने हाम्रो टीमले एउटा प्रणाली डिजाइन गरेको छ। हामीले अनेकौं देशका प्रणालीहरुको अध्ययन गरी आँकडा र मूल्यांकन गरेपछि यो निष्कर्षमा पुग्यौँ।” उनले थपे कि उक्त प्रणालीबारे एक छुट्टै भिडियो सार्वजनिक गरेर सर्वसाधारणलाई विस्तृत जानकारी दिइनेछ। युवा नेताले जारी राखेको आफ्नो वक्तव्यमा…

काठमाडौँ, अशोज २१ गते । देशभरका ७१ स्थानीय तहमा कार्यरत लेखा अधिकृतहरू अकुत सम्पत्ति आर्जनको अनुसन्धानको दायरामा परेका छन्। प्रारम्भिक अध्ययन अनुसार ती अधिकृतहरूले सरकारी सेवामा प्रवेश गरेको करिब एक दशकमै प्रतिव्यक्ति औसत ५० करोड रुपैयाँसम्मको सम्पत्ति जोडेका छन्। वित्तीय अनियमितता नियन्त्रणमा संलग्न स्रोतका अनुसार यस्ता लेखा अधिकृतहरूले “बिल दोहोरो देखाउने”, “खर्च फर्जी बनाउने” र “सेटिङ प्रणाली” मार्फत ठेक्का र सार्वजनिक खर्चमा मनपरी गर्दै आएका छन्। विज्ञहरूका भनाइमा देशमा देखिने ठूला भ्रष्टाचारमा राजनीतिक नेतृत्व मात्र होइन, प्रशासनिक तहका कर्मचारीहरूको सञ्जाल पनि समान रूपमा संलग्न छ। उनीहरूका अनुसार, भ्रष्टाचार नियन्त्रणको पहल नेताबाट मात्र होइन, कर्मचारी तहमै कठोर कदम चालेर सुरु गर्नुपर्ने…

काठमाडौँ, अशोज २१ गते । पछिल्ला दिनमा सिंहदरबारमा लागेको आगोका क्रममा काठमाडौँ महानगरको दमकल किन नपुगेको भन्ने प्रश्न र आरोप सार्वजनिक भइरहेका छन्। “सिंहदरबार जलाउँदा बालेन शाह कहाँ थिए?” “दमकल तीन दिनसम्म किन हेरेर बस्यो?” भन्ने आलोचनाका बीच काठमाडौँ महानगर प्रमुख बालेन शाहले विस्तृत विवरणसहित स्पष्टीकरण दिएका छन्। मेयर शाहका अनुसार भदौ २४ गतेको घटनाका समयमा देश पूर्ण रूपमा अराजक अवस्थाबाट गुज्रिरहेको थियो। उनले भने, “त्यो दिन देशमा सरकार थिएन, सुरक्षा संयन्त्र निष्क्रिय थियो। यस्तो अवस्थामा पनि काठमाडौँ महानगर आफ्नो जिम्मेवारीबाट पछाडि हटेको थिएन।” शाहले आगो निभाउने क्रममा आन्दोलनकारीले बारम्बार अवरोध गरेकाले सिंहदरबारमा पुग्न ढिलो भएको स्पष्ट पारेका छन्। उनका…

चितवन, अशोज २१ गते । रत्ननगर नगरपालिकाले अबदेखि जग्गाधनी प्रमाणपत्रको नयाँ स्रेस्ता कायम गर्दा कुनै शुल्क नलिने निर्णय गरेको छ। नगरपालिकाले आज सबै वडाहरुलाई लिखित सूचना पठाउँदै स्रेस्ता कायम गर्दा वडाबासीसँग शुल्क असुल नगर्न निर्देशन दिएको मेयर प्रलाद सापकोटाले जानकारी दिएका छन् । भदौ २३ र २४ गतेको जेनजी आन्दोलनका क्रममा मालपोत कार्यालय भरतपुरमा आगजनी हुँदा कार्यालयका सबै कागजात जलेर नष्ट भएका थिए। त्यसपछि मालपोत कार्यालयले सार्वजनिक सूचना जारी गरी सम्पूर्ण जग्गाधनीलाई नयाँ स्रेस्ता कायम गर्न आग्रह गरेको थियो। उक्त अवस्थालाई ध्यानमा राख्दै नगरपालिकाले वडास्तरमा निःशुल्क सेवा दिने निर्णय गरेको हो। मेयर सापकोटाका अनुसार, जनताको सहजता र प्रशासनिक कार्यको गतिलाई…