राप्ती खबर

हेटौँडा, चैत ८ गते । हेटौँडा–४ स्थित भुटनदेवी माध्यमिक विद्यालयले आफ्नो भौतिक संरचना र शैक्षिक गुणस्तरलाई अन्तर्राष्ट्रिय स्तरमा उक्लाउने अभियान सुरु गरेको छ। यसका लागि विद्यालयले ग्लोबल क्वालिटी काउन्सिल, नेपालसँग आईएसओ प्रमाणीकरणतर्फ अघि बढ्ने सम्झौता गरेको छ। आइतबार आयोजित कार्यक्रममा विद्यालय व्यवस्थापन समितिका अध्यक्ष नवीन सिग्देल, प्रधानाध्यापक सूर्यप्रसाद घिमिरे तथा काउन्सिलका प्रतिनिधि सुदीप शर्माले सम्झौतापत्रमा हस्ताक्षर गरेका हुन्। सम्झौतापछि विद्यालय व्यवस्थापन समिति, शिक्षक, अभिभावक संघ तथा विद्यालय अनुगमन समितिका सदस्यहरूलाई अन्तर्राष्ट्रिय गुणस्तर मापदण्ड र सूचकबारे अभिमुखीकरण कार्यक्रम समेत सञ्चालन गरिएको विद्यालयले जनाएको छ। प्रधानाध्यापक घिमिरेका अनुसार विद्यालयलाई अन्तर्राष्ट्रिय स्तरको शैक्षिक संस्थामा रूपान्तरण गर्ने लक्ष्यसहित विभिन्न चरणका कार्यक्रम अघि बढाइएको छ।…

हेटौँडा, चैत ७ गते । हेटौंडा उपमहानगरपालिका–११ स्थित त्रिभुवन माध्यमिक विद्यालयमा ६४औं अभिभावक भेला तथा सम्मान कार्यक्रम सम्पन्न भएको छ। विद्यालय व्यवस्थापन समितिका अध्यक्ष दीपक उप्रेतीको सभाध्यक्षतामा आयोजित कार्यक्रममा विद्यालयको व्यवस्थापनलाई थप सुदृढ बनाउन नयाँ सदस्यहरू चयन गरिएको छ। चयन भएका सदस्यहरूमा गोविन्दप्रसाद न्यौपाने, बिनु नेपाली, बद्री लम्साल र जमुना राई रहेका छन्। बाँकी सदस्यहरूको चयन प्रक्रिया आगामी तीन दिनभित्र सम्पन्न गरिने जानकारी विद्यालयका प्रधानाध्यापक तथा सदस्य सचिव रामकुमार बर्तौलाले दिएका छन्। कार्यक्रममा हेटौंडा–११ का वडाध्यक्ष जुना दाहालको प्रमुख आतिथ्यता रहेको थियो। सो अवसरमा विद्यालयका उत्कृष्ट विद्यार्थी, अभिभावक, शिक्षक–शिक्षिका तथा कर्मचारीहरूलाई सम्मान गरिएको थियो। कार्यक्रममा शिक्षा विकास महाशाखा हेटौंडाका अधिकृत…