Breaking News 1

हेटौंडा, मंसिर ५ गते । हेटौंडा उपमहानगरपालिकालाई शैक्षिक गन्तव्यका रूपमा अघि बढाउने अभियानअन्तर्गत आज श्री आधुनिक राष्ट्रिय माध्यमिक विद्यालय, हेटौंडा-४ मा निर्माण गरिएको आधुनिक फुटकोर्ट/चमेना गृह कार्यक्रमको भव्य उद्घाटन सम्पन्न भएको छ। विद्यालय तथा उपमहानगरपालिकाको आन्तरिक स्रोतसाधनको प्रयोगमा निर्माण गरिएको उक्त सुविधा केन्द्रको उद्घाटन हेटौंडा उपमहानगरपालिकाका नगर प्रमुख मीनाकुमारी लामाले गरेकी हुन्। उद्घाटन कार्यक्रममा हेटौंडा–४ का वडा अध्यक्ष नविन सिग्देल, विद्यालय व्यवस्थापन समिति, शैक्षिक क्षेत्रका विज्ञ तथा स्थानीय सरोकारवाला व्यक्तिहरूको सक्रिय सहभागिता थियो। नवनिर्मित चमेना गृहबाट विद्यालयमा अध्ययनरत झण्डै ३ हजारभन्दा बढी छात्र–छात्राले दैनिक रूपमा खाजा सुविधा प्राप्त गर्नेछन्। आधुनिक संरचना तथा व्यवस्थित सेवासहितको यो चमेना गृह विद्यालयको पूर्वाधार विकासमा…

मकवानपुरगढी–५, मंसिर २ गते । धादिङमा अवस्थित श्री शारदा माध्यमिक विद्यालयले आफ्नाे स्थापना भएको ५० औँ स्वर्ण महोत्सव “आधा शताब्दीको समग्र ज्ञान, उज्ज्वल भविष्यको शारदाको अभियान” भन्ने मूल नाराका साथ हिजोबाट औपचारिक रूपमा सुरु गरेको छ। विद्यालयले स्वर्ण महोत्सवको अवसरमा सप्ताहव्यापी गरी कुल ५८ वटा विविध कार्यक्रम सञ्चालन गर्ने जनाएको छ। मुख्य अतिथि बागमती प्रदेशका मुख्यमन्त्री इन्द्र बानियाले पानसमा बत्ती बालेर महोत्सवको उद्घाटन गरे। राष्ट्रिय गान तथा सहिद परिवारप्रति एक मिनेट मौन धारणपछि कार्यक्रम अघि बढाइएको थियो। मुख्यमन्त्री बानियाको मुख्य भनाइ : उद्घाटन समारोहलाई सम्बोधन गर्दै मुख्यमन्त्री बानियाले शिक्षालाई जीवन परिवर्तनकाे प्रकाश भन्दै प्राविधिक तथा व्यवहारिक शिक्षा अनिवार्य बन्नुपर्नेमा जोड…