Breaking News 1

इटहरी। इटहरी उपमहानगरपालिका–१२ स्थित खनारमा रहेको तिरुपति प्लाइउड फ्याक्ट्रीमा बुधवार राति भीषण आगलागी भएको छ। राति करिब २ बजेदेखि सुरु भएको आगो अहिलेसम्म पूर्ण रूपमा नियन्त्रणमा आउन सकेको छैन।आगलागी नियन्त्रणका लागि इटहरी, धरान, विराटनगर, बेलबारी, कानेपोखरी लगायत आसपासका १० भन्दा बढी स्थानीय तहबाट दमकलको सहयोग लिइएको छ। दमकल टोलीहरू नेपाली सेना, सशस्त्र प्रहरी र नेपाल प्रहरीको सहकार्यमा घटनास्थलमा खटिएका छन्। फ्याक्ट्रीमा रहेको काठ, प्लाइउड र कच्चा पदार्थ अत्यधिक ज्वलनशील भएका कारण आगो फैलनुका साथै नियन्त्रणमा कठिनाइ भएको बताइएको छ। प्रारम्भिक अनुमानअनुसार ठूलो मात्रामा आर्थिक क्षति भएको छ, यद्यपि क्षतिको यकिन विवरण आउन बाँकी छ।स्थानीय बासिन्दाहरू पनि आगो नियन्त्रणमा स्वयंसेवकका रूपमा…

भक्तपुर। भक्तपुरको सूर्यविनायक नगरपालिका–३ बालकोटस्थित बृहस्पति मार्गमा ५० वर्षीया रोशनी शाही मृत अवस्थामा फेला परेकी छिन्। पूर्व सभामुख एवं माओवादी नेता कृष्णबहादुर महराले जबरजस्ती करणी गरेको भन्दै ६ वर्षअघि प्रहरीमा निवेदन दर्ता गराएकी शाहीको शव आइतबार दिउँसो १ बजेर ५० मिनेटमा उनी डेरा गरी बस्ने लक्ष्मीश्वर महतोको तीन तले घरको कोठाभित्रै फेला परेको हो। प्रहरीका अनुसार भित्रबाट चुकुल लगाएको कोठाभित्र उनको शव भेटिएको हो। घटनास्थलमा सुसाइड नोट पनि फेला परेको छ। शाहीको शरीरमा बाहिर कुनै चोटपटक नदेखिएको प्रहरीले जनाएको छ। जाजरकोट स्थायी घर भएकी शाहीका छोराछोरी विदेशमा छन् भने श्रीमान् कामको सिलसिलामा उपत्यका बाहिर रहेको प्रहरीले बताएको छ। रोशनी शाही…

मोरङ। उर्लाबारी नगरपालिका वडा नं ३ स्थित त्रिवेणी चोक आसपास क्षेत्रमा अब्यवस्थित रूपमा राखिएका केवल तथा इन्टरनेटका तारलाई व्यवस्थित गर्न नगरपालिकाले ७ दिनको अल्टिमेटम दिएको छ। बिहीबार एक सूचना जारी गर्दै नगरपालिकाले ती तारले नगरको सौन्दर्यमा नकारात्मक असर पार्नुका साथै दुर्घटनाको जोखिम बढाएको उल्लेख गरेको छ। नगरपालिकाले त्रिवेणी चोक क्षेत्र वरपर अनियन्त्रित रूपमा टाँगिएका इन्टरनेट तथा केवलका तारले सडक तथा सार्वजनिक स्थानहरू कुरुप देखिनुका साथै पैदल यात्री तथा सवारी साधन चलाउनेहरूका लागि खतरा उत्पन्न गरेको जनाएको छ। साथै सूचनामा तोकिएको समयसीमा भित्र तारहरू व्यवस्थित नगरेमा नगरपालिका स्वयंले हटाउने चेतावनी दिइएको छ र त्यसबाट हुने खर्च सम्बन्धित कम्पनीबाट असुल उपर गरिने…

काठमाडौं। नागरिक उन्मुक्ति पार्टीका संरक्षक रेशम चौधरीलाई थुनामा पुर्‍याउने सर्वोच्च अदालतका शाखा अधिकृत महिमान विष्ट एक लाख रुपैयाँ धरौटीमा रिहा भएका छन्। काठमाडौं जिल्ला अदालतका न्यायाधीश दिनबन्धु बरालको एकल इजलासले आज उनलाई धरौटीमा रिहा गर्न आदेश दिएको हो। प्रहरीले विष्टलाई झूटो सूचना दिएको र लिखतसम्बन्धी कसुरमा अनुसन्धान अघि बढाउँदै गत वैशाख १७ गते पक्राउ गरी हिरासतमा राखेको थियो। विष्टले स्वेच्छाले चौधरीलाई पक्राउ गर्न भन्दै प्रहरीमा पत्राचार गरेको भेटिएपछि उनलाई पक्राउ गरिएको थियो। पक्राउपछि आवश्यक कारबाहीका लागि उनलाई जिल्ला प्रहरी परिसर काठमाडौंको नियन्त्रणमा राखिएको थियो। विष्टले लेखेको पत्रका आधारमा रेशम चौधरी पाँच घण्टा डिल्लीबजार कारागारमा थुनिएका थिए। शाखा अधिकृत विष्टको पत्रकै…