समाचार

मुग्लिन–नारायणगढ, पुस २७ गते। मुग्लिन–नारायणगढ सडकखण्ड अन्तर्गत सिमलतालमा १८ महिनाअघि त्रिशूली नदीमा खसेका दुई बसमध्ये एक बसको अवशेष आज फेला परेको छ। भरतपुर महानगरपालिका–२९ सिमलताल पारीपट्टी, तनहुँको आँबुखैरेनी गाउँपालिका–५ स्थित त्रिशूली नदी किनारमा बालुवामा गढिएको अवस्थामा बसको ड्राइभरतर्फको चक्का र केही टिनका भाग भेटिएको हो। इलाका प्रहरी कार्यालय आँबुखैरेनी, तनहुँका प्रहरी निरीक्षक प्रदीप सुवेदीका अनुसार नदी किनारमा भेटिएका अवशेषहरू घटनास्थलमै खसेको बसकै भएको पुष्टि भएको छ। अवशेष फेला परेपछि थप खोज तथा अनुसन्धानका लागि आवश्यक प्रक्रिया अघि बढाइएको प्रहरीले जनाएको छ।

झापा, पुस २७ गते। झापाको कमल गाउँपालिकामा सक्रिय कमलनगर जेसीजले ११औँ साधारणसभा सम्पन्न गर्दै वर्ष २०२६ का लागि नयाँ नेतृत्व चयन गरेको छ। साधारणसभाबाट देवराज भण्डारी (महेश) अध्यक्ष पदमा निर्वाचित भएका छन्। अध्यक्ष पदका लागि विद्या सापकोटा (मिलन), देवराज भण्डारी (महेश) र लोकबहादुर खड्काबीच प्रतिस्पर्धा भएको थियो। प्रतिस्पर्धात्मक निर्वाचनपछि भण्डारीले अध्यक्षको जिम्मेवारी पाएका हुन्। नयाँ कार्यसमितिअनुसार कार्यकारिणी उपाध्यक्षमा कमल कटुवाल र प्रभात मण्डल चयन भएका छन् भने उपाध्यक्षहरूमा विशाल कार्की, ऐश्वर्य चौहान, भिमकुमारी बस्नेत (रञ्जना) र शम्भु निरौला निर्वाचित भएका छन्। त्यसैगरी तालिम निर्देशकमा मिलन पौडेल, जनसम्पर्क अधिकारीमा डिजा घिमिरे र प्रकरण निर्देशकमा भूमिका चापागाईं निर्वाचित भएका छन्। वर्ष २०२६…

काठमाडौँ, पुस २६ गते । काठमाडौँ । पृथ्वी जयन्ती तथा राष्ट्रिय एकता दिवसको अवसरमा काठमाडौँमा भव्य एकता परेड आयोजना हुने भएको छ। पौष २७ गते बिहान ११ बजे भद्रकालीबाट सुरु भई सिंहदरबारसम्म पुग्ने उक्त परेडले राष्ट्रिय एकताको सशक्त सन्देश प्रवाह गर्ने आयोजकको विश्वास छ। राष्ट्रिय ऐक्यबद्धतालाई केन्द्रमा राखेर आयोजना गरिने परेडमा हजारौँ नेपालीहरूको स्वस्फूर्त सहभागिता रहने अपेक्षा गरिएको छ। सहभागी हुन कुनै औपचारिक प्रक्रिया आवश्यक नपर्ने बताउँदै आयोजकले सबैलाई स्वतःस्फूर्त रूपमा उपस्थित हुन आह्वान गरेका छन्। परेडमा सहभागीहरूले आ–आफ्नो भेषभूषा, संस्कृति र पहिचान झल्किने प्रस्तुति दिन आग्रह गरिएको छ। विविध जाति, भाषा र संस्कृतिको प्रतिनिधित्व मार्फत नेपाली समाजको बहु-सांस्कृतिक स्वरूप…

काठमाडौं, पुस २६ गते । नेपाल टेलिकमले प्रिपेड मोबाइल सेवाका प्रयोगकर्तालाई लक्षित गर्दै सिम कार्डको स्वामित्व आफ्नै नाममा अद्यावधिक गर्न मिल्ने अनलाइन केवाईसी सेवा सञ्चालनमा ल्याएको छ। लामो समयदेखि अरूको नाममा दर्ता भएका सिम प्रयोग गर्दै आएका वा व्यक्तिगत विवरण सच्याउन बाँकी रहेका ग्राहकलाई सहजता प्रदान गर्ने उद्देश्यले यो सेवा सुरु गरिएको टेलिकमले जनाएको छ। नयाँ व्यवस्थाअनुसार अब सिमको स्वामित्व परिवर्तन वा विवरण अद्यावधिकका लागि टेलिकमको कार्यालय धाउनुपर्ने झन्झट हटेको छ। ग्राहकले टेलिकमको आधिकारिक वेबसाइट corporate.ntc.net.np मा गएर अनलाइन फारम भरेर घरबाटै प्रक्रिया पूरा गर्न सक्नेछन्। अनलाइन केवाईसी अद्यावधिक वा सिम स्वामित्व दाबी गर्न केही आवश्यक कागजात अनिवार्य गरिएको छ।…

रौतहट, पुस २५ गते । पछिल्ला दिनहरूमा केही स्थानमा सुनिएको “हिन्दू भगाऊ, देश बचाऊ” नारा प्रति असहमति जनाउँदै रौतहटको सदरमुकाम गौरमा शुक्रबार हिन्दू जागरण र्‍याली सम्पन्न भएको छ। धार्मिक सहिष्णुता र आपसी सम्मानको सन्देश बोकेको उक्त प्रदर्शन शान्तिपूर्ण रूपमा आयोजना गरिएको हो। गौरस्थित राइस मिलको प्राङ्गणबाट दिउँसो १२ बजे सुरु भएको र्‍यालीमा हिन्दू समाजका हजारौँ नागरिक सहभागी भए। बाजागाजा, सवारी साधन र पैदल मार्चसहित अघि बढेको र्‍याली ट्रान्सफर चौक, भन्सार हुँदै बीपी चौक घण्टाघरमा पुगेर कोणसभामा परिणत भएको थियो। र्‍यालीका सहभागीहरूले धार्मिक आस्था, संस्कृति र परम्परामाथि आक्रमण अस्वीकार्य भएको स्पष्ट पार्दै नेपाल बहुसांस्कृतिक तथा बहुधार्मिक देश भएकाले सबै समुदायले एकअर्काको…

काठमाडौं, पुस २४ गते । आगामी प्रतिनिधि सभा निर्वाचनलाई शान्तिपूर्ण, सुरक्षित र व्यवस्थित बनाउन नेपाल प्रहरीले ठुलो सङ्ख्यामा म्यादी प्रहरी भर्ना गर्ने प्रक्रिया अघि बढाएको छ। प्रहरी प्रधान कार्यालय, मानवस्रोत विकास विभागका अनुसार देशभरबाट कुल १ लाख ३३ हजार ९८० जनाका लागि दरखास्त आह्वान गरिएको हो। इच्छुक नेपाली नागरिकहरूले पुस २५ गतेदेखि माघ १ गतेसम्म आवेदन दिन सक्नेछन्। सार्वजनिक बिदाका दिनसमेत बिहान १० बजेदेखि साँझ ५ बजेसम्म फाराम बुझाउने व्यवस्था गरिएको छ। दरखास्तहरू सबै जिल्ला प्रहरी कार्यालय तथा काठमाडौँ, ललितपुर र भक्तपुरका जिल्ला प्रहरी परिसरबाट सङ्कलन गरिनेछ। भर्नाका लागि उम्मेदवार १८ वर्ष पूरा भई ५४ वर्ष ननाघेको, सामान्य लेखपढ गर्न…

चितवन, पुस १९ गते । सञ्चार तथा सूचना प्रविधिमन्त्री जगदीश खरेलले देशभर कार्यरत पत्रकारलाई सामाजिक सुरक्षा कोषमा आबद्ध गर्नु अनिवार्य भएको बताएका छन्। नेपाल पत्रकार महासङ्घ चितवन शाखाको निरीक्षणपछि सञ्चारकर्मीसँग कुरा गर्दै उनले पत्रकारको पेशागत सुरक्षा र स्थायित्व सरकारको प्राथमिकतामा रहेको स्पष्ट पारे। मन्त्री खरेलका अनुसार सरकारले हाल सरकारी सञ्चारमाध्यममा कार्यरत पत्रकारलाई सामाजिक सुरक्षा कोषमा समेट्ने प्रक्रिया सुरु गरिसकेको छ। “यसलाई क्रमशः सबै पत्रकारसम्म विस्तार गर्न आवश्यक छ,” उनले भने। पत्रकार महासङ्घको कार्यालयमा प्रवेश गर्दा आफ्नै घरमा आएको अनुभूति हुने उल्लेख गर्दै उनले चितवन शाखा अन्य शाखाको तुलनामा व्यवस्थित र सक्रिय रहेको प्रशंसा गरे। उनले पत्रकारका दीर्घकालीन समस्या समाधानका लागि…

काठमाडौं, पुस १९ गते । जेन–जी क्रान्तिका प्रमुख अगुवा तथा अन्तरिम सरकार गठन प्रक्रियाका सह–संयोजक अर्जुन शाहीले वर्तमान सरकार भ्रष्ट, असफल र जनउत्तरदायी हुन नसकेको आरोप लगाउँदै त्यसको विकल्प जेन–जी नेतृत्वमा नयाँ सरकार गठन गर्नुपर्ने आवश्यकता औंल्याएका छन्। उनका अनुसार जेन–जी आन्दोलनसँग गरिएको प्रतिबद्धता र सार्वजनिक बाचा सरकारले पूरा गर्न सकेको छैन। बरु सरकारलाई जवाफदेही बनाउन खोज्दा राज्यसत्ताको दुरुपयोग गर्दै राजनीतिक प्रतिशोधका आधारमा झुट्टा मुद्दा लगाएर आवाज दबाउने प्रयास भइरहेको छ। शाहीले भने, “जेन–जी आन्दोलन सुशासन, पारदर्शिता र युवाको नेतृत्व स्थापित गर्ने स्पष्ट उद्देश्यका साथ अघि बढेको हो। तर पुरानो सोचमा अडिएको सरकारले प्रतिबद्धता कार्यान्वयन गर्नु त परै जाओस्, प्रश्न…

काठमाडौं, पुस १९ गते । जेन–जी आन्दोलनका अगुवा तथा अन्तरिम सरकार निर्माण प्रक्रियाका सह–संयोजक अर्जुन शाहीको पक्राउ गैरकानुनी र राजनीतिक प्रतिशोधपूर्ण भएको दाबी गर्दै आज सर्वोच्च अदालतमा बन्दी प्रत्यक्षीकरण (Habeas Corpus) को निवेदन दायर गरिँदैछ। शाहीलाई तथ्यहीन र मनगढन्ते मुद्दा लगाएर पक्राउ गरिएको भन्दै उनका समर्थक, कानुन व्यवसायी तथा नागरिक अधिकारकर्मीहरू आक्रोशित छन्। उनीहरूको भनाइमा लोकतन्त्र, सुशासन र युवाको नेतृत्व स्थापित गर्ने अभियानमा सक्रिय भूमिकामा रहेका शाहीलाई कानुनी प्रक्रिया र संविधानको मर्मविपरीत हिरासतमा राखिएको हो। कानुनविद्हरूले यो गिरफ्तारीले संविधानले प्रत्याभूत गरेको अभिव्यक्ति स्वतन्त्रता, शान्तिपूर्ण आन्दोलन गर्ने अधिकार र निष्पक्ष न्यायको हकमा गम्भीर चोट पुगेको बताएका छन्। उनीहरू सर्वोच्च अदालतबाट तत्काल…