समाचार

काठमाडौँ। पब्लिकेसन नेपालयले आफ्नो स्थापनाको २०औँ वर्षगाँठको अवसर पारेर विशेष छुटसहितको पुस्तक मेला आयोजना गर्ने भएको छ। संस्थाले आफ्ना प्रकाशनहरूमा अधिकतम ६० प्रतिशतसम्म छुट प्रदान गर्ने जनाएको छ। यही वैशाख २७ र २८ गते, शनिबार र आइतबार, काठमाडौंको कालिकास्थानस्थित नेपालयको कार्यालयमा आयोजना हुने मेलामा पाठकहरूले आफ्ना प्रिय लेखकहरूसँग प्रत्यक्ष भेटघाट गर्ने अवसर समेत पाउनेछन्। पब्लिकेसन नेपालयका प्रमुख कार्यकारी सैजन मास्केले पाठकहरूले आफ्ना रुचाइएका पुस्तकहरू एकै स्थानमा छुट मूल्यमा प्राप्त गर्न सकून् र लेखकहरूसँग साक्षात्कार गर्न पाऊन् भन्ने उद्देश्यले यो पुस्तक मेला आयोजना गरिएको बताइन्। ‘हाम्रो पहिलो प्रकाशन ‘पल्पसा क्याफे’ले पाठकहरूको अथाह माया पायो,’ उनले भनिन्, ‘२० वर्षदेखि प्राप्त यस स्नेहको…

पोखरा। पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञको आयोजनामा आगामी जेठको पहिलो साता राष्ट्रव्यापी खुल्ला वक्तृत्वकला प्रतियोगिता हुने भएको छ। ‘सनातन संस्कृति, गण्डकी कोटिहोम र हामी विद्यार्थी’ शीर्षकमा कक्षा ८ देखि १२ सम्म अध्ययनरत विद्यार्थीहरूले प्रतिस्पर्धा गर्न पाउनेछन्। एसईई तथा कक्षा ११ को परीक्षा दिएका विद्यार्थीहरूलाई पनि प्रतियोगितामा सहभागी हुन अवसर दिइएको प्रतियोगिता संयोजक, पब्लिक स्पिकर, मोटीभेटर, शिक्षा तथा संस्कृतिविद् डा. तुलसी प्रभास खनालले जानकारी दिए। प्रतियोगितामा उत्कृष्ट प्रस्तुति प्रस्तुत गर्ने विद्यार्थीहरूलाई आकर्षक पुरस्कारको व्यवस्था गरिएको छ। प्रथम हुनेले रु ५१ हजार १ सय ५१, द्वितीय हुनेले रु ४१ हजार १ सय ४१, तृतीय हुनेले रु ३१…

कञ्चनपुर। कञ्चनपुरको भीमदत्त नगरपालिका-१४ बनकट्टीमा बिहीवार तिलक भट्टको घरमा आगलागी भएको छ। जिल्ला प्रहरी कार्यालय कञ्चनपुरका अनुसार विद्युतको तार सर्ट भएर आगलागी हुँदा घर र घरभित्र रहेका लत्ताकपडा, खाद्यान्न, फर्निचर, बोरिङ पाइप र काठ लगायतका सामान जलेर करिब १ लाख ५० हजार रुपैयाँ बराबरको क्षति भएको छ।

झापा। झापाको कन्काई नगरपालिका-२ सुकेडागीमा गए राति श्रीमानले खुकुरी प्रहार गरी आफ्नै श्रीमतीको हत्या गरेका छन्। प्रहरीका अनुसार, अन्दाजी राति साढे ११ बजे ३५ वर्षीय कविराज हेमरनले ३४ वर्षीया श्रीमती पुजा हेमरनलाई धारिलो हतियार प्रयोग गरी घरभित्रै हत्या गरेका हुन्। हत्याको कारण भने अझै खुल्न सकेको छैन र यस विषयमा थप अनुसन्धान भइरहेको प्रहरीले जनाएको छ।

खोटाङ। खोटाङको खोटेहाङ गाउँपालिकाले एउटा उदाहरणीय कार्य गरेको छ। गाउँपालिकाले जातीय पर्खाल भत्काउँदै प्रेमको डोरीमा बाँधिएका ४० जोडीलाई सम्मान गरेको छ। फरक-फरक समुदायबाट आएर पनि जीवनसाथी बनेका यी जोडीहरूलाई गाउँपालिकाले प्रोत्साहनस्वरूप नगद सहित सम्मान गरेको हो। गाउँपालिकाका अध्यक्ष उदिमबहादुर राईले दलित लक्षित कार्यक्रमअन्तर्गत विनियोजित रकमबाट यो सम्मान गरिएको जानकारी दिए। उनले भने, “हाम्रो समाजमा अझै पनि जातीय विभेदको ठूलो पर्खाल छ। सदियौँदेखि जगेडिएर बसेको जातीय विभेद अन्त्य गर्न आवश्यक छ। हाम्रो पालिकामा फरक-फरक समुदायका भए पनि विवाह बन्धनमा बाँधिएर राम्ररी घरजम गरेर बसेका छन्। उनीहरूलाई गाउँपालिकाको तर्फबाट प्रोत्साहनस्वरूप नगदसहित सम्मान गरिएको हो।” गाउँपालिकाको कार्यालय खोटेहाङले विभिन्न वडाका ४० जोडीलाई सम्मान…

उर्लाबारी। सामुदायिक विकास मंच उर्लाबारीको आयोजनामा र संरक्षण तथा आकार फाउन्डेसन उर्लाबारीको सहकार्यमा प्रारम्भिक बाल विकास तथा हेरचाह सम्बन्धी एक दिवसीय सचेतना कार्यक्रम शुक्रबार हुने भएको छ। आज साझ उर्लाबारी ६ महारुद्र शिवालय मन्दिरको प्रांगणमा हुने कार्यक्रममा बाल विकास कन्सल्ट्यान्ट प्रिसिमा थापा द्वारा प्रारम्भिक बाल विकास तथा हेरचाह सम्बन्धि प्रशिक्षण दिईने सामुदायिक विकास मंच उर्लाबारीका अध्यक्ष प्रेम बोहोराले जानकारी दिए। साथै उनले कार्यक्रममा उपस्थित भइ बालबालिकाको समुचित विकास र हेरचाह सम्बन्धी ज्ञान हासिल गर्न सम्पुर्ण नगरवासीमा आग्रह समेत गरेका छन । मंचका सचिव महेन्द्र बोहोराका अनुसार कार्यक्रमले अभिभावक, शिक्षक तथा सरोकारवालाहरूलाई प्रारम्भिक बाल विकासका महत्वपूर्ण पक्षबारे जानकारी दिनेछ। बालबालिकाको समुचित…

मोरङ। मोरङको सुन्दरहरैँचा नगरपालिका–१०, त्रिवेणी चोकमा ग्यास चुहावटका कारण आगलागी हुँदा एक घर पूर्ण रूपमा जलेर नष्ट भएको छ। बिहीबार बिहान करिब ७ बजे बुवाको वार्षिक पुण्यतिथिको तयारी गर्दै गर्दा सुवान भेटुवालको घरमा खाना पकाउने क्रममा ग्यास लिक भएको थियो। ग्यास चुहिएर अचानक आगोको मुस्लो निस्किएको र त्यसपछि सिलिन्डर विस्फोट भई आगो झन् फैलिएको प्रत्यक्षदर्शीहरूले बताएका छन्।घटनापछि स्थानीयबासी र दमकलको सहायताले आगो नियन्त्रणमा लिइएको थियो। आगलागीबाट मानवीय क्षति नभए पनि घरभित्रको सबै सरसामान जलेर नष्ट भएको छ।आगलागीको विस्तृत विवरण र क्षतिको मूल्याङ्कन भइरहेको जनाइएको छ।